17.04.2026

Buxoro davlat universitetida Fulbright grant dasturi asosida Toshkent Cyber universitetida faoliyat yuritayotgan, AQSHning University of North Georgia professori Murti Rallapalli ishtirokida ilmiy seminar tashkil etildi.

Mazkur seminarda “Axborot tizimlari va raqamli texnologiyalar” hamda “Amaliy matematika va dasturlash” kafedralari professor-o‘qituvchilari, shuningdek, axborot xavfsizligi va sun’iy intellekt yo‘nalishlarida tahsil olayotgan talabalar faol ishtirok etdilar.

Seminar davomida kvant hisoblashning zamonaviy yondashuvlari, axborot xavfsizligi, generativ sun’iy intellekt hamda kiberetika sohalariga oid dolzarb masalalar muhokama qilindi. Ishtirokchilar o‘zlarini qiziqtirgan savollar bilan murojaat qilib, mutaxassisdan batafsil va ilmiy asoslangan javoblar oldilar.

Ta’kidlanishicha, doktor Murti Rallapallining ilmiy qiziqishlari generativ sun’iy intellekt, kvant hisoblash, kiberxavfsizlik va kiberetika yo‘nalishlarini qamrab oladi. Bu esa seminar mazmunining yanada boy va amaliy ahamiyatli bo‘lishiga xizmat qildi.

Ushbu seminar ilmiy bilim almashish, zamonaviy texnologiyalarni chuqurroq o‘rganish hamda xalqaro tajribani o‘zlashtirishda muhim ahamiyat kasb etdi.