“Umrboqiy meros” O‘zbekiston madaniyati va san’ati targ‘ibot markazi tashabbusi bilan Buxoro davlat universiteti, O‘zbekiston Fanlar akademiyasi Tarix instituti hamda O‘zbekiston Respublikasi Vazirlar Mahkamasi huzuridagi Qatag‘on qurbonlari xotirasi davlat muzeyi hamkorligida “Jadidlar: milliy o‘zlik, huquqiy madaniyat va davlatchilik g‘oyalari” mavzusida xalqaro ilmiy anjuman bo‘lib o‘tdi.
Anjumanda mamlakatimiz va xorijiy davlatlardan taniqli olimlar, tarixchilar, huquqshunoslar hamda yosh tadqiqotchilar ishtirok etib, jadidchilik harakatining milliy o‘zlikni anglash, huquqiy madaniyatni shakllantirish va davlat qurilishiga oid g‘oyalari xususida ilmiy ma’ruzalar taqdim etdilar.
