Samarqand shahrida 2025-yil bo‘lib o‘tishi rejalashtirilgan YUNESKO Bosh konferensiyasining 43-sessiyasi munosabati bilan Buxoro davlat davlat universiteti, Buxoro viloyati hokimligi, O'zbekiston davlat filarmoniyasi Buxoro viloyat bo'linmasi tomonidan O'zbekiston Elchixonasi bilan hamkorlikda Maskat universitetida “Buxoro sadolari: madaniyat kuni” nomli ilmiy-madaniy tadbir o‘tkazildi.
Maskat universitetida yurtimizning milliy hunarmandchiligi, miniatyura san’ati kabi madaniy elementlari ko‘rgazmasi o'tkazilib, "Buxoro burchagi" tashkil etildi.
Bundan tashqari, Maskat universiteti hamda Buxoro davlat universiteti mutasaddilari talaba va professor-oʻqituvchilar almashinuvini yoʻlga qoʻyish, ilmiy, turizm va iqtisodiyot sohalarida hamkorlikni rivojlantirish masalalarini muhokama qildilar.
