10-mart kuni Parij shahrida “Ilm-fan va taʼlim: Oʻzbekiston – Fransiya koʻprigi” mavzusidagi konferensiya boʻlib oʻtdi. Unda Fransiya bilan O‘zbekiston o‘rtasidagi ilmiy tadqiqotlar va ta’lim sohasidagi hamkorlik masalalari muhoka qilindi.
Tadbirda ishtirok etgan universitetimiz prorektori A.Jo‘rayev “Ijtimoiy-gumanitar sohada O‘zbekiston-Fransiya qo‘shma ilmiy tadqiqotlari uchun ustuvor yo‘nalishlar va imkoniyatlar” mavzusida taqdimot qildi.
Taqdimotda bildirilgan fikrlar hamda takliflar fransuz oliy ta’lim muassasalari vakillarida katta qiziqish uyg‘otdi. Shu kuni Buxoro davlat universiteti bilan Fransiyaning asosiy onlayn taʼlim platformasi hisoblanuvchi Fransiya raqamli universiteti (FUN - France Universite Numerique) tashkiloti o‘rtasida hamkorlik bo‘yicha kelishuvga erishildi. Kelishuv doirasida Buxoro davlat universiteti O‘zbekiston oliy taʼlim muassasalari uchun vakil sifatida tanlanib, ular tomonidan ishlab chiqiladigan taʼlim dasturlarini FUN platformasiga bepul joylashtirish hamda foydalanuvchilarga tijoriy asosda taklif qilish orqali investitsiya mablag‘larini jalb qilinishi yo‘lga qo‘yiladi.
