Joriy yilning 30-sentyabr kuni Buxoro shahridagi Mo'jiza restoranida “1-oktabr – O‘qituvchi va murabbiylar kuni” bayrami munosabati bilan “Sizga ehtirom, aziz ustozlar” nomli bayram dasturxoni tashkil etildi.
Unda universitet rahbariyati, professor-o‘qituvchilar, elimiz ardog‘idagi san’at ustalari ishtirok etishdi.
Tadbirning ochilish marosimida so‘zga chiqqan BuxDU o'quv ishlari bo'yicha prorektori R.G`.Jumayev universitetda faoliyat yuritayotgan barcha professor-o‘qituvchi va xodimlarni tabriklar ekan fidoyi, zahmatkash ustozlar o‘z shogirdlariga bilim berish barobarida ular qalbiga insonga xos eng go‘zal ezgu xislatlarni, mehr-oqibat va odamiylik tuyg‘ularini singdirib borishini e’tirof etdi.
Oliy taʼlim, fan va innovatsiyalar vazirining buyrugʻi bilan 1-oktabr "Oʻqituvchi va murabbiylar kuni" munosabati bilan oliy taʼlim sohasida vijdonan faoliyat olib borib, koʼp yillik samarali mehnati, oʼz xizmat vazifasiga sadoqati, tizim rivoji uchun oʻzining munosib hissasini qoʻshib kelayotgani uchun bir guruh soha fidoyilari “Oliy taʼlim aʼlochisi” koʻkrak nishonlari, tashakkurnomalar bilan taqdirlandilar.
Tadbir davomida 1-oktabr "Ustoz va murabbiylar kuni"ga bag'ishlab Buxoro davlat universiteti professor-oʼqituvchilari oʼrtasida tashkil etilgan "KASABA UYUSHMASI KUBOGI" sport musobaqasi (shaxmat, shashka, stol tennisi, voleybol sport turlari boʻyicha) gʼoliblari esdalik sovgʻalari bilan taqdirlandi.
Tadbirning badiiy qismidagi elimiz ardog‘idagi san’at ustalari ashula va raqs ansambli chiqishlari bayram kayfiyatiga o‘zgacha ruh va kayfiyat bag‘ishladi.
Bayram dasturxoni BuxDU kasaba uyushmasi tomonidan tashkil etildi.
Yana bir bor universitet jamoasi barcha ustoz-murabbiylarni bayram bilan samimiy qutlaydi!
Buxoro davlat universiteti Axborot xizmati
