Joriy yilning 3-4 fevral kunlari Buxoro davlat universiteti Akademik lisey va kasb-hunar kollejlari bilan ishlash bo`limi tashabbusi bilan Buxoro viloyati IIV jinoyat qidiruv va terrorizmga qarshi kurash bosh boshqarmasi hamda Buxoro viloyati o`rta maxsus, kasb-hunar ta’limi boshqarmasi bilan hamkorlikda Buxoro neft va gaz sanoati kasb-hunar kolleji, Buxoro yuridik va maishiy xizmat kasb-hunar kolleji va Buxoro davlat universitetida “Giyohvandlikka qarshi kurash oyligi” doirasi “Yoshlar orsida narkotik moddalarning tarqalishini oldini olish” mavzusida seminar bo`lib o`tdi.Seminarda Buxoro davlat universiteti Akademik lisey va kasb-hunar kollejlari bilan ishlash bo`yicha prorektor G`.I. Botirov, O`zbekiston Respublikasi Ichki Ishlar Vazirligi xodimi mayor B.O.Tadjimatov, Buxoro viloyat IIB giyohvandlikka qarshi kurash bo`limi boshlig`i podpolkovnik B.Sharipov, Buxoro neft va gaz sanoati kasb-hunar kolleji direktori Z.N.Adizov, Buxoro yuridik va maishiy xizmat kasb-hunar kolleji direktori A.B.Yo`ldoshev va ta’lim muassasalari professor-o`qituvchilari hamda talabalar ishtirok etdilar. Seminarda hozirgi kunda umumbashariy muammoga aylanib borayotgan, insonlar va jamiyatga juda katta tahdid solayotgan muammolardan biri giyohvandlik, unga qarshi kurash bo`yicha amalga oshirilayotgan ishlar, 2014 yil 1 fevraldan 1 martga qadar Respublikamizda “Giyohvandlikka qarshi kurash oyligi” deb e’lon qilinganligi oylik doirasida Respublikamizning barcha viloyat va tumanlarida aholi ayniqsa, yoshlar orasida giyohvandlik, jinoyatchilik, alkogolizm kabi illatlarga qarshi kurashish maqsadida targ`ibot-tashviqot ishlari amalga oshirilayotganligi, bundan asosiy maqsad esa bu ayanchli holatlarga qarshi kurashish nafakat mutasaddi tashkilotlarning balki, barchamizning insoniylik burchimiz ekanligi ta’kidlab o`tildi.Yoshlarimizga seminar davomida davlatimizda tinchlik, barqarorlikni ta’minlash maqsadida olib borilayotgan siyosatning mazmun mohiyati, shunga qaramasdan yurtimiz xavsizligiga tahdid solayotgan giyohvandlik, jinoyatchilik, huquqbuzarlik kabi holatlarning uchrayotganligi statistik ma’lumotlar va videoroliklar orqali taqdim etilib, giyohvandlik kabi illatlarning inson hayoti va jamiyatga keltirayotgan salbiy oqibatlarni atroflicha tushuntirib o`tildi. 2014- yil 3-fevral kuni Buxoro Davlat Universitetida “Yoshlar orasida narkotik moddalarning tarqalishini oldini olish” mavzusida o`tkazilgan tadbirdan lavhalar [widgetkit id=4]
