Kecha O`zbekiston Respublikasi Fanlar akademiyasida “eng faol yosh olim” tanlovining mamlakat bosqichi o`tkazildi.O`zbekiston kasaba uyushmalari Federasiyasi Kengashi Oliy va o`rta maxsus ta’lim vazirligi, “ Kamolot”, yoshlar ijtimoiy harakati markaziy kengashi, Savdo sanoat palatasi, Fanlar akademiyasi hamkorligida tashkil etilgan tadbirda Prezidentimiz rahnamoligida yoshlarni har tomonlama qo`llab – quvvatlash, ixtidorli mutaxassislarni aniqlash, ularni rag`batlantirish, kasb mahorati va bilim darajasini yuksaltirish borasida amalga oshiradigan ishlar yuksak samara berayotgani ta’kidlandi.Davlatimiz rahbarining joriy yil 6 fevraldagi “O`zbekiston Respublikasida yoshlarga oid davlat siyosatini amalga oshirishga qaratilgan qo`shimcha chora – tadbirlar to`g`risida” gi qarori bu boradagi ishlarni yangi bosqichga ko`tarishga xizmat qilayotgani e’tirof etildi.“Eng faol yosh olim” tanlovida turli yo`nalishlar bo`yicha ilmiy tadqiqot ishlarini olib borayotgan, innovasion – texnik g`oyalarni ilgari surib kelayotgan yurtimizning sakkiz nafar zukko, yosh mutaxassisi bellashdi. Tanlov shartlarida yosh ilm-fan tadqiqotchilari faoliyatining samaradorligini yanada oshirishga qaratilgan uslub va tajribalar sinovdan o`tkazildi. Xususan, yosh olimlar tomonidan taqdim etilgan hujjatlarda ularning yangi ixtirolari “nou-xau” –lari, ilmiy texnik ishlanmalari, fanga doir monografiyalari, darsliklari, o`quv qo`llanmalari, turli xalqaro konferensiyalardagi ishtiroki kabi omillarga alohida e’tibor qaratildi. “O`z huquqingizni bilasizmi”? mavzusidagi savol – javoblar shartida ishtirokchilar mehnat munosabatlarini tartibga solish, mehnat qonunchiligi buzilishining oldini olish, hamda yosh pedagoglarga berilayotgan imtiyoz va huquqlarni to`liq o`zlashtirganliklarini ko`rsatdilar. Shuningdek, yosh tadqiqotchilar ilmiy faoliyatlarini, ingliz tilida ham bayon qilish imkoniyatlaridan ham foydalandilar. Eng faol yosh olim tanlovida poytaxtlik Oybek Abdulxaev birinchi, buxorolik Otabek Qahhorov ikkinchi va farg`onalik Jamoliddin Qambarov uchinchi o`rinni qo`lga kiritdi. Shuningdek, tanlov doirasida “eng ilmiy saloyatli olim” “eng iqtidorli olim”, “eng zakovatli olim” kabi nominasiyalar bo`yicha ham eng faol yosh mutaxassislar aniqlandi. G`oliblar ta’lim, fan va madaniyat xodimlari kasaba – uyushmasi Respublika kengashining estalik sovg`alari va diplomlari bilan taqdirlandi. Ularga mustaqilligimizning 23-yilligi oldidan tashkil etiladigan “Yosh mutaxassislar” respublika forumida qatnashish uchun yo`llanma berildi. Omonulla Fayziev “Xalq so`zi muxbiri”.
