Bugun Buxoro davlat tibbiyot institutida Jondor tumani hokimi Jamshid Xudoyev bilan viloyat oliy ta’lim muassasalarining jondorlik talaba yoshlarni ishga joylashtirish yuzasidan uchrashuvi bo‘lib o‘tdi.
Ushbu uchrashuvda BuxDU O’quv ishlari bo’yicha prorektori R.G’.Jumayev, fakultet dekanlari, talaba yoshlar, tumanda faoliyat olib borayotgan tashkilot, muassasa va korxonalar rahbarlari ishtirok etishdi.
Uchrashuvda so‘z olgan tuman hokimi bugun yurtimizda yoshlarning zamonaviy ilm-fan va yuqori texnologiyalarni mukammal egallashi uchun amalga oshirilayotgan islohotlar va yaratib berilayotgan imkoniyatlar xususida o‘z fikr-mulohazalarini bayon etdi.
Uchrashuvda yoshlarning “Hokim va yoshlar” tadbirini muntazam o‘tkazishni yo‘lga qo‘yish haqidagi taklifi ma’qullandi. Tuman hokimi talabalarni qiziqtirgan barcha savollarga javob qaytardi. Uchrashuvda tashabbuskor va faol yoshlarga minnatdorlik bildirdi.
Uchrashuv so'ngida Buxoro davlat universiteti hamda Jondor tumani hokimligi o'rtasida hamkorlik memorandumi imzolanib, talabalar amaliyot o‘tashi uchun shart-sharoitlarni yaratish, malakali professor-oʻqituvchilar tomonidan amaliyotlarning olib borilishi, korxona tomonidan amaliy, uslubiy yordam ko‘rsatish aloqalarini kuchaytirish yuzasidan kelishuvga erishildi.
Buxoro davlat universiteti Matbuot xizmati
