BuxDU rektori Obidjon Xamidov Joriy o`quv yilida Prezident va nomli davlat stipendiyalari sovrindori bo`lgan talaba-yoshlar, Qishki ta’tilda o’tkazilgan 10 ta fan bo‘yicha Onlayn fan olimpiada g‘oliblari hamda “TOP 10 Innovator” tanlovi g‘oliblarini tantanali ravishda taqdirladi.
Bugungi taqdirlash marosimimizning asosiy sababchilari O‘zbekiston Respublikasi Prezidenti hamda nomli davlat stipendiyalari sovrindorlari hamda ularning ilmiy rahbarlarini yuksak yutuq bilan muborakbod etaman.
Yildan yilga nomli davlat stipendiyalari kvotalari oshirib bormoqda. Bu esa talabalarimiz uchun yangi imkoniyatlar eshigini ochmoqda. Shu bilan birga joriy o‘quv yilida Rektor stipendiyasi kvotasi ham 10 nafarga oshirildi.
Oliy ta’lim, fan va innovatsiyalar vazirligining 2023-yil 4-dekabrdagi 516-sonli buyrug‘iga asosan stipendiyalar tanlovining respublika bosqichida ishtirok etib, sovrindor bo‘la olmagan 22 nafar talabalarimiz ham belgilangan tartibda tegishliligi bo‘yicha bazaviy stipendiya miqdorining 5 baravaridan 2 baravarigacha miqdordagi pul mukofotlari bilan taqdirlandi. Stipendiya sovrindorlarining 17 nafar ilmiy rahbarlari ham ushbu buyruqga asosan belgilangan tartibda rag‘batlantirildi.
Joriy yilning 5-6-yanvar kunlari Talabalarning qishki ta’til vaqtini mazmunli o‘tkazish maqsadida 10 ta fan bo‘yicha o‘tkazilgan onlayn fan olimpiadalarida ishtirok etgan 936 nafar iqtidorli talabalarimizning 66 nafari 1-, 2-, 3-o‘rinlarni egallashgan. Barcha g‘oliblarimiz rahbatlantirish komissiyasi tomonidan belgilangan tartibda rag‘batlantirilishi belgilangan.
Barcha ishtirokchilarimizni yutuqlar bilan yana bir bor samimiy qutlayman. Yangi O`zbekistonimizning eng yaxshi kadrlari bo`lib yetishishingizga ishonaman.
Obidjon Xamidov,
BuxDU rektori,
Iqtisodiyot fanlari doktori, professor
Taqdirlash marosimi davomida ko'ngilochar badiiy chiqishlar, kuy va qo`shiqlar ijro etildi.
