Korrupsiyaga qarshi kurashish tizimi samaradorligini oshirish, eng yuqori darajadagi qulay ishbilarmonlik muhitini yaratish, mamlakatning xalqaro maydondagi ijobiy obro‘-e’tiborini oshirish, shuningdek, korrupsiyaga qarshi immunitetni shakllantirish maqsadida Buxoro davlat universiteti professor-o‘qituvchilari tomonidan korrupsiyaga qarshi kurash bo‘yicha o‘quv-amaliy kurslar tashkil etildi. Ushbu o‘quv-amaliy kurslar “Buxoro tajribasi” tariqasida taqdim etilmoqda.
Buxoro shahri, Kogon shahri, Buxoro, Vobkent, Gʻijduvon, Jondor, Kogon, Qorako'l, Olot, Romitan va Shofirkon tumanlari hokimlik boshqaruv apparati tashkiliy-kadrlar guruhi bosh mutaxassislari, hokimlik obodonlashtirish boshqarmasi bosh mutaxassislari, hokimlik Obodonlashtirish boshqarmasi kadrlar bo‘limi mudirlari, hokimlik bosh hisobchilari, obodonlashtirish boshqarmasi kadrlar bo‘lim boshliqlari, tuman hokimligi bosh hisobchilari, tuman hokimligi investitsiya va tashqi savdo bo‘limi mutaxassislaridan iborat dastlabki guruh korrupsiyaga qarshi immunitetni shakllantirish o‘quv-amaliy kurslarini o‘tashmoqda.
Bugungi dars mashg'ulotlari
Korrupsiyaga qarshi kurashish “Komplayens-nazorat” bo‘limi boshlig‘i, Psixologiya va sotsiologiya kafedrasi dotsentli Yorqin Quliyev hamda Arxeologiya va Buxoro tarixi kafedrasi katta o‘qituvchisi Bobir Boltayevlar tomonidan oʻtkazildi.
Ushbu o‘quv kurslari jarayonida ishtirokchilar amaliy-seminarlar va trening mashg‘ulotlarida ham qatnashishadi. Mazkur o‘quv-amaliy kurs 5 kunga mo‘ljallangan bo‘lib, kurs yakunida ishtirokchilarga maxsus sertifikatlar topshiriladi.
O‘quv-amaliy kurslarni kelgusida doimiy ravishda tashkil etish hamda onlayn malaka oshirish uchun onlayn platforma yaratish ko'zda tutilgan.
