Buxoro davlat universiteti prorektori A.A.Amonov, “Turizm va mehmonxona xo‘jaligi” kafedrasi mudiri N.S.Ibragimov, pedagog-xodimlar O.X.Azimov hamda O.K.Xurramovlar joriy yilning 14-16-dekabr kunlari Sankt-Peterburg shahrida “Turizm va mehmondo’stlik sohasida kompetensiya markazi” tomonidan tashkil qilingan “MDH davlatlarida turizm va mehmondo’stlik xalqaro anjumanida” qatnashdilar.
16-dekabr kuni anjuman kun tartibi asosida prorektor A.A.Amonov “Talabalarni ichki turizmga jalb qilish mexanizmlari: Buxoro davlat universiteti misolida” mavzusida, professor N.S.Ibragimov “O‘zbekiston turizm va mehmondo’stlik sohasi uchun kadrlarni tayyorlash yo’nalishlari” mavzusida, dotsent O.K.Xurramov “Turizm sohasida innovatsion texnologiyalardan foydalanish” mavzusida, O.X.Azimov “O’zbekistonda turizm sohasining rivojlanish tendensiyalari” mavzusida ma’ruza qildilar.
Shuningdek, “Turizm va mehmondo’stlik sohasida kompetensiya markazi” bilan Buxoro davlat universiteti o‘rtasida hamkorlik shartnomasi imzolandi. Ushbu hamkorlik doirasida tomonlar o‘quv dasturlarini yangilash, transformatsiya qilish, sinovdan o‘tkazish yo‘nalishida ish olib boradilar.
Shu kunning o'zida delegatsiya a'zolari Sankt-Peterburg davlat iqtisodiyot universiteti talaba-yoshlarining bo'sh vaqtlarida millatlararo totuvlik va madaniyatkar xilma-xilligini yorituvchi "ДОМ - давай откроем мир - Keling, dunyoni kashf etamiz" tadbirida ishtirok etishdi.
