Xabar qilganimizdek, ayni paytda universitetimiz delegatsiyasi Sankt-Peterburg shahrida xizmat safarida bo‘lib turibdi.
Xizmat safari davomida 15-dekabr kuni yoshlar masalalari va maʼnaviy-maʼrifiy ishlar bo‘yicha birinchi prorektor A.Amonov Sankt-Peterburg davlat iqtisodiyot universitetida bo‘lib, ushbu oliygohning ijtimoiy va tarbiyaviy ishlar bo‘yicha prorektori S.Y.Grishin, rektor yordamchisi I.P.Sitov hamda yoshlar siyosati va tarbiyaviy ishlarga masʼullar bilan muloqot uchrashdi. Muloqot davomida ikki oliygohda yoshlarni sifatli taʼlim olishi, bo‘sh vaqtini mazmunli tashkil etish uchun yaratilgan sharoitlar, yoshlar turizmini tashkil qilishda samarali uslubiyt va erishilayotgan natijalar bo‘yicha fikr almashildi. Sankt-Peterburg davlat iqtisodiyot universiteti talabalari bilan muloqot uyushtirildi. Tajriba almashinuv jarayonlari keyingi kunlarda ham davom ettiriladi.
Taʼkidlab o‘tish joizki, o‘zaro hamkorlik doirasida Sankt-Peterburg davlat iqtisodiyot universitetining “Turizm”, “Mehmonxona ishi”, “Servis” kabi mutaxassisliklarida taʼlim olayotgan 15 nafar magistrant 16-23-dekabr kunlari universitetimizda malakaviy amaliyot o‘taydi.
