2017 yil 01 fevral kuni Buxoro davlat universiteti faollar zalida Buxoro davlat universiteti rektori A.Tulaganov, Ma’naviy-ma’rifiy ishlar bo’yicha prorektor A.Kadirov, O’quv ishlari bo’yicha prorektor D.Durdiyev, Universitet Xodimlar kasaba uyushmasi raisi S.Qahhorov, ma’naviyat va ma’rifat bo’limi xodimlari va guruh sardorlari (jami: 283 nafar) ishtirokida ochiq muloqot o’tkazildi.Muloqot universitetda tahsil olayotgan talaba-yoshlar orasida olib borilayotgan ma’naviy-ma’rifiy, o’quv jarayonlari hamda ularning talab va istaklarini o’rganish maqsadida tashkil etildi. Talabalar o’zlarini qiziqtirgan savollar, qiynayotgan muammolar bilan universitet rahbariyatiga murojaat qilishdi va kerakli ma’lumotlarga ega bo’lishdi. Yurtimizda ilm-fanga, ta’limga bo’lgan munosabat kundan kunga o’zgarib yaxshilanib bormoqda. Ilm orqali ta’lim sifatini yaxshilashga harakat qilyapmiz. Muloqotda guruh sardorlarining o’rni bu borada katta ahamiyatga ega ekanligi ta’kidlab o’tildi. Ta’lim tizimida isloh qilinadigan masalalar juda ko’p. Buning uchun yoshlarga ta’lim beradigan professor-o’qituvchilar mas’uliyatini yanada oshirish va talabalarning bilim olishga chanqoqligini kuchaytirish lozim. Shundagina talabalarimiz ota-onasi, elu yurti koriga yaraydigan farzand bo’lib etishadi.
