Bugun Buxoro davlat universitetining 120 nafar talabasi BuxDU rektori Obidjon Xamidov tashabbusi bilan Marketing bo`limi bosh mutaxassisi Olimjon Sharipov hamda katta yuristkonsult Gulmurod Najmiddinovlar boshchiligida G`ijduvon tumaniga yo`l olishdi.
“Ichki turizmni jadal rivojlantirishni ta’minlash chora-tadbirlari to`g`risida”gi qaror ijrosini ta’minlash, ish beruvchilarning malakali mutaxassislarga bo`lgan ehtiyojlarini qondirish, tayyorlanayotgan kadrlarning malakali mutaxassislarga bo`lgan ehtiyojlarini qondirish, tayyorlanayotgan kadrlarning talab qilinadigan malakalarga ega bo`lishini ta’minlash maqsadida davlat idoralari va boshqa yirik ish beruvchilar bilan hamkorlikda ko`chma darslar, industrial turlar, amaliy malakalarni olishga qaratilgan dasturlarni amalga oshirish orqali mehnat bozori uchun mutaxassislarni tayyorlash muammosini hal qilish, “Ish joyida” o`qitishni tashkil etish uchun tumandagi “Parvoz Xumo Ravnaq Trans MCHJ” korxonasiga tashrif buyurishdi.
Safar avvalida talabalar Yetti pirning avvali Abdulxoliq G`ijduvoniy hazratlarini ziyorat qilishdi. Shu asnoda yurtimiz, viloyatimiz hamda universitetimizga baraka tilandi. Talabalarimizning yetuk inson bo`lib yetishishi uchun xayrli duolar qilindi.
“Parvoz Xumo Ravnaq Trans MCHJ” korxonasiga qilingan tashrif talabalar uchun qiziqarli bo`ldi. Avval boshda ma’muriyat binosi bilan yaqindan tanishgan mehmonlar Ip yigiruv, bo`yoq va gul bosish, to`quv hamda tikuv fabrikalari faoliyati bilan ham yaqindan tanishishdi.