11.01.2022

O‘zbekiston Respublikasi Prezidentining 2020 yil 29 oktyabrdagi PF-6097-sonli “Ilm-fanni 2030 yilgacha rivojlantirish konsepsiyasini tasdiqlash to‘g‘risida”gi Farmoniga muvofiq, viloyatdagi oliy ta’lim muassasalarida tahsil olayotgan iqtidorli yoshlarni qo‘llab-quvvatlash, iqtidorli talabalarni rag‘batlantirish tizimini yanada takomillashtirish, viloyat iqtisodiyoti tarmoqlarida ishlab chiqarish samaradorligini oshirishda ilmiy-innovatsion ishlanmalarning ta’sirini oshirish maqsadida Viloyat hokimligi tashabbusi bilan “Innovasion loyihalar” tanlovini o‘tkaziladi.Tanlovda viloyatdagi oliy ta’lim muassasalarida tahsil olayotgan talabalar quyidagi 7 ta yo‘nalishda o‘zlarining innovatsion loyihalari bilan ishtirok etishlari mumkin:1. Xizmat ko‘rsatish sohalari, turizmni rivojlantirish. 2. Energetika va sanoat tarmoqlarini rivojlantirish. 3. Qishloq va suv xo‘jaligi, oziq-ovqat sanoatini rivojlantirish. 4. Ekologiya va atrof-muhit muhofazasi. 5. Fan va ta’lim. 6. IT texnologiyalar. 7. Tibbiyot.Tanlovda qiymati 1 mln. so‘mdan 50 mln. so‘mgacha bo‘lgan innovatsion loyihalar ko‘rib chiqiladi. Tanlovda ishtirokchilarning qatnashishi quyidagi tartibda amalga oshiriladi: ishtirokchilar http://innovatsiya.buxdu.uz sayti orqali ro‘yxatdan o‘tadi hamda anketadagi barcha so‘ralgan ma’lumotlarni to‘ldiradi; innovatsion loyiha to‘g‘risida 1-ilova asosida qisqacha anketa to‘ldiriladi; innovatsion loyiha haqida 10 ta slayddan oshmagan holda taqdimot tayyorlanadi hamda taqdim qilinadi (loyihaning ma’lum bir muammoni yechimiga qaratilganligi haqida Powyer Point, .ppt, .pptx formatida 10 ta slayddan oshmagan holda).Innovatsion loyihalar tanloviga hujjatlar 2021 yilning 15 fevralidan 15 mart kuniga qadar qabul qilinadi. Tanlov bir bosqichda o‘tkaziladi.Tanlovda g‘olib topilgan innovatsion loyihalar viloyat hokimining tegishli farmoyishi asosida viloyat mahalliy byudjeti mablag‘lari, shuningdek, qonun hujjatlarida taqiqlanmagan boshqa manbalar hisobidan sotib olinadi hamda amaliyotda qo‘llash maqsadida ishlab chiqarishga yo‘naltiriladi.Tanlovda ishtirok etish bo‘yicha savollarni Buxoro davlat universiteti ilmiy-innovatsion ishlanmalarni tijoratlashtirish bo‘limi boshlig‘i Sayfullayev Oybek Olimovichga yo‘llashingiz mumkin.  (tel: (91) 648 44 55)ANKETA NAMUNASIANKETA MEZONLARIANKETA NIZOMI BuxDU Matbuot xizmati