11.01.2022

Buxoro davlat universitetining katta yig`ingohida BuxDU yoshlar ittifoqi boshlang`ich tashkiloti hamda harbiy ta’lim fakulteti tomonidan “14- yanvar Vatan himoyachilari kuni” bayrami munosabati bilan “Vatan ulug‘ – burchim muqaddas” nomli tadbiri tashkil qilindi. “Kirish so‘zini Buxoro davlat universiteti harbiy ta`lim fakulteti boshlig`i podpolkovnik A.Baboyev ochib berib, tashrif buyurgan mehmonlarni O`zbekiston Respublikasi Qurolli Kuchlari tashkil etilganligining 29 yilligi hamda Vatan himoyachilari kuni bilan tabrikladi. Shundan so`ng, O`zbekiston Respublikasi Qurolli Kuchlari tashkil topganligining 29 yilligi munosabati bilan tabriklash uchun so`zni o`quv ishlari bo`yicha prorektori M.I.Daminovga hamda BuxDU rektorining rag`batlantirish to`g`risidagi buyrug`ini o`qib eshittirish uchun so`zni BuxDU yoshlar bilan ishlash bo`yicha prorektori O.Qodirovga berildi. So’ngra, BuxDU yoshlar ittifoqi yetakchisi F.R.Karimov so`zga chiqib, hozirgi kunda Vatan himoyachilarining kundan-kunga salohiyati, obro`sini ortib borayotgani, xalqimizning tinch-osoyishtaligi yo`lida olib borayotgan ishlari tahsinga sazovorligini aytib, bayram bilan tadbir ishtirokchilarini tabrikladi. Shundan so`ng, Xodimlar va talabalar kasaba uyushmasi qo`mitasi raisi S.S.Qahhorov universitet kasaba uyushmasi tomonidan ajratilgan sovg`alarni kasbiy faoliyatida fidoiylik ko'rsatgan harbiy ta`lim fakulteti ofitserlariga taqdim etdilar. Tadbirga tashrif buyurgan Buxoro Xalq demokratik partiyasi viloyat Kengashi raisining o`rinbosari  Sh.Nabiyeva tadbir ishtirokchilarini “14- yanvar Vatan himoyachilari kuni” bayrami bilan tabriklab, ularga Xalq demokratik partiyasi viloyat Kengashi tomonidan sovg’alar berdi. Tadbir ishtirokchilariga ko`tarinki ruh bag`ishlash maqsadida harbiy ta`lim fakulteti talabalarining badiiy, qo`l jangi, faxriy qorovul qo`shinlari chiqishlari hamda BuxDU yoshlar ittifoqining faol a`zolari tomonidan raqslar, qo’shiqlar, sahna ko`rinishlari, QVZ jamoasi chiqishlari namoyish etildi.Buxoro davlat universiteti katta yig`ingohida tashkil etilgan bayram dasturi, ishtirokchilarga o`zgacha ko`tarinkilikni bag`ishladi. Ta`kidlash joizki, vatan hissi, tuyg`usi ona allasi, onaning shirin so`zi kabi jaranglaydi. Vatanini sevgan, yurt taqdiriga, tinchligiga befarq bo`lmagan mardlar bugun chegara qismlarida yurtimiz sarhadlarining daxlsizligini ta`minlab kelmoqdalar. Ularning ko`rsatayotgan jasorati, matonat va sabri tufayli mana bugun yurtimiz tinch, hayotimiz farovon o`tmoqda. Muxtasar qilib aytganda, yurtning har bir qarich yeri uchun, uning rivoji va ravnaqi uchun o`z jonini fido qiluvchi insonlar haqiqiy vatan himoyachilaridir.       BuxDU Matbuot xizmati