11.01.2022

2020-yilning 21-avgust kuni Buxoro davlat universitetida 5111500- “CHAQIRIQQACHA HARBIY TA’LIM” yo’nalishi bo’yicha qabul qilishda kasbiy ijodiy imtihonlar boshlandi. Birinchi kunda 120 nafardan ortiq usbu yo'nalishga ariza topshirgan abituriyentlar Buxoro davlat universiteti stadionida karantin hamda sanitariya-epidemiologiya qoidalariga qoidalariga rioya qilgan holda ijodiy imtihon bosqichlaridan o'tishdi. Barcha abituriyentlarning universitetdan kirishda sanitar-epidemiologiya xodimlari tomonidan tana xarorati tekshirilib, kirishda dezinfeksiya tunelidan o'tib bir martalik yuz niqobi va qo'l niqoblari bilan ta'minlanib oraliq masofaga rioya etgan holda universitet stadionida tashkil etilgan joylarga keldilar. Ijodiy imtihonlarni ochilishida Buxoro davlat universiteti rektori Obidjon Xamidov, universitet prorektorlari, qabul komissiyasi boshlig'i, bo'lim boshliqlari tashrif buyurib abituriyentlarga yaratilgan sharoitlar haqida malumot berib ularga ijodiy imtihonlarga omad tiladilar. Abituriyentlar 100 metrga yugurish, turnikda tortilish, 3000 metrga yugurish mashqlari hamda o'q otish tayyorgarligi bo'yicha o'zlarini sinadilar. Ijodiy imtihonlar shaffof va adolatli o'tish maqsadida barcha jarayonlar yuqori professional mutaxassislar video-texnikada tasvirga olinmoqda. Chaqiriqqacha harbiy ta'lim yo'nalishi bo'yicha ijodiy imtihonlar 26-avgustgacha davom etadi. BuxDU Matbuot xizmati