11.01.2022

BuxDU Xorijiy tillar fakulteti ingliz tilshunosligi kafedrasi katta o'qituvchisi N.D. Djumayeva, M.A. Shukurova, I.I. Akramov, K.B. Namozova hamda G. Abdullayeva tomonlaridan 20-oktabr kuni TTJ da “Kafedra kunlari” tadbirlari doirasida yoshlar ma'naviyatini yuksaltirish va ularning bo'sh vaqtini mazmunli tashkil etish bo'yicha 5 ta muhim tashabbusni ijrosi yuzasidan qator tadbirlar o'tkazildi.Tadbirdan “Pandemiya sharoitida masofaviy ta'limning ahamiyati va moodle platformasidan samarali foydalanishni oʻrganamiz” mavzusida bo'lib o'tgan seminar trening joy oldi. Qolaversa, Moodle platformasidan foydalanish va uning imkoniyatlarini maksimal darajada oʻzlashtirishga oid taqdimot qilindi. Taqdimot talaba yoshlar bilan o'tkazilgan "Kitobga oshno qalblar" nomli mavzuga ulanib ketdi va unda talabalar o`zlarini qiziqtirgan savollarini berib ularga javob olishdi. Tadbirda buyuk allomalar- Abu Ali Ibn Sino, A.Jomiy,  Z.M.Bobur, A.Navoiy ijodidan  hikmatli so'zlar, g'azallar, ruboiylar, hikoyat va rivoyatlar taqdim etildi.  Shuningdek, 21 - Oktabr o'zbek tiliga davlat tili maqomi berilganligi munosabati bilan Ingliz tilshunosligi kafedrasi oʻqituvchisi Namozova Kamola  hamda 11-9 ing 18 va 11-10 ing 18 guruh talabalari tomonidan TTJ da tashkil etilgan "Til - millat ko'zgusi" nomli badiiy kecha o'tkazildi.  Tadbir ishtirokchilari  Turkmaniston fuqarosi bo'lishlariga qaramay o'zbek tili qanchalik boy til ekanligini, bu tilda yaratilgan asarlar naqadar bebaho ekanligini ta'kidlab o‘tdilar. Tadbir kuy va qo'shiqlarga ulanib ketib, til haqidagi hikoyalar va she'rlarga boy bo'ldi. Tadbirda barcha faol ishtirok etdi va tadbir ko'tarinki ruh va kayfiyat bilan yakunlandi.BuxDU Matbuot xizmati