Buxoro davlat universitetida “Kibermadaniyatni yuksaltirish va kibergigiyenani shakllantirish” oyligi doirasida talaba-yoshlarning kiberxavfsizlik bo‘yicha bilimlarini oshirish, internet tarmog‘idagi turli xavf-xatarlardan ogohlantirish hamda onlayn qimor o‘yinlarining salbiy oqibatlari haqida tushuncha berish maqsadida 5 qismdan iborat targ‘ibot komikslari tayyorlandi.
Mazkur komikslarda internet va ijtimoiy tarmoqlarda keng tarqalayotgan oson pul topish va tez boyib ketish haqidagi yolg‘on va’dalar, onlayn qimor o‘yinlari oqibatida moliyaviy zarar ko‘rish, qarzga botish, psixologik qaramlikka tushib qolish hamda shaxsiy ma’lumotlarning oshkor bo‘lishi kabi xavfli holatlar tasvirlar orqali yoritilgan.
Komikslar quyidagi mavzularni o‘z ichiga oladi:
Oson pul va’dasiga aldanmang! — Internetdagi tez boyish va yuqori daromad haqidagi shubhali reklamalardan ehtiyot bo‘lish.
Onlayn qimorda pul yo‘qotish xavfi — Qimor o‘yinlarining moliyaviy zarar keltirishi va uning salbiy oqibatlari.
Qimor va uning salbiy oqibatlari — Onlayn qimor o‘yinlarining inson hayoti, ruhiy holati va moddiy farovonligiga ta’siri.
Onlayn qimorning asosiy xavflari — Moliyaviy yo‘qotish, qarzdorlik, psixologik qaramlik hamda shaxsiy ma’lumotlar xavfsizligiga tahdidlar.
Onlayn qimordan uzoq bo‘ling! — Internetdan ongli, xavfsiz va foydali maqsadlarda foydalanish.
Ushbu targ‘ibot materiallari orqali talaba-yoshlarni onlayn qimor o‘yinlarining xavfli oqibatlaridan ogohlantirish, ularda raqamli muhitda mas’uliyatli xatti-harakatlarni shakllantirish hamda kibermadaniyat va kibergigiyena qoidalariga rioya qilish ko‘nikmalarini mustahkamlash ko‘zda tutilgan.
Unutmang! Oson boylik va’dalariga aldanmang. Onlayn qimordan uzoq bo‘ling, vaqtingiz va mablag‘ingizni bilim olish hamda foydali maqsadlarga sarflang!
#KibermadaniyatOyligi2026
RU