Maxsus imkoniyatlar

Агитационные материалы в сфере информационной безопасности

calendar 13.11.2026

Ogoh bo‘ling! Soxta reklamalardagi “Siz pul yutib oldingiz!” degan xabarlarga ishonmang!

Buxoro davlat universitetida “Kibermadaniyatni yuksaltirish va kibergigiyenani shakllantirish” oyligi doirasida fuqarolar, professor-o‘qituvchilar, ishchi-xodimlar hamda talaba-yoshlarni internet firibgarligidan ogohlantirishga qaratilgan targ‘ibot ishlari olib borilmoqda.

Bugungi kunda ijtimoiy tarmoqlar, messenjerlar va turli internet saytlarida “Tabriklaymiz, siz pul yutib oldingiz!”, “Sizga katta miqdorda mukofot ajratildi!”, “Sovriningizni olish uchun havolaga kiring!” kabi mazmundagi soxta reklama va xabarlar keng tarqalmoqda.

Bunday xabarlar kiberfiribgarlar tomonidan fuqarolarning shaxsiy ma’lumotlari va bank kartalaridagi pul mablag‘larini qo‘lga kiritish maqsadida tarqatilishi mumkin.

Firibgarlar foydalanuvchilarni katta miqdordagi pul mukofoti yoki qimmatbaho sovg‘a va’dasi bilan aldab, ularni soxta veb-saytlarga yo‘naltiradi. Ushbu saytlarda sovrinni olish bahonasida bank plastik kartasi raqami, amal qilish muddati, CVV/CVC kodi, SMS orqali kelgan tasdiqlash kodi yoki boshqa maxfiy ma’lumotlarni kiritish talab qilinadi. Natijada fuqarolar o‘z mablag‘laridan ayrilishi mumkin.

Kiberfiribgarlardan himoyalanish uchun quyidagi qoidalarga amal qiling:

  1. Shubhali reklamalarga ishonmang! Hech qanday tanlov yoki aksiyada qatnashmagan bo‘lsangiz, pul yutganingiz haqidagi xabarlarga ishonmang.

  2. Noma’lum havolalarni bosmang! Sovrinni olish uchun yuborilgan shubhali havolalar orqali zararli yoki soxta saytlarga kirib qolishingiz mumkin.

  3. Bank kartangiz ma’lumotlarini oshkor qilmang! Plastik karta rekvizitlari, CVV/CVC kodlari va SMS tasdiqlash kodlarini hech kimga bermang.

  4. Oldindan pul o‘tkazmang! Sovrinni olish uchun soliq, komissiya yoki boshqa to‘lovlarni amalga oshirishni talab qiladigan xabarlardan ehtiyot bo‘ling.

  5. Ma’lumotlarni tekshiring! Har qanday aksiya yoki tanlov haqidagi xabarlarning haqiqiyligini tashkilotchining rasmiy axborot manbalari orqali tekshiring.

  6. Shubhali xabarlarni tarqatmang! Bunday reklamalarni yaqinlaringizga yubormang, aksincha, ularni ehtimoliy firibgarlik haqida ogohlantiring.

Unutmang!

“Siz pul yutib oldingiz!” degan har bir xabar ham haqiqat emas. Kiberfiribgarlar insonlarning ishonuvchanligi va tez boyib ketish istagidan foydalanib, ularni aldashga urinadi.

Shaxsiy ma’lumotlaringiz va moliyaviy mablag‘laringiz xavfsizligi, avvalo, o‘zingizning ogohligingizga bog‘liq.

Kibermadaniyatga amal qiling, shubhali reklamalarga ishonmang va kiberfiribgarlar tuzog‘iga tushib qolmang!

VIDEONI KO'RISH

#KibermadaniyatOyligi2026

Ресурсы