Buxoro davlat universitetida “Kibermadaniyatni yuksaltirish va kibergigiyenani shakllantirish” oyligi doirasida masofaviy ta’lim shaklida tahsil olayotgan talabalar ishtirokida targ‘ibot tadbiri tashkil etildi.
Mazkur tadbir universitet Raqamli ta’lim texnologiyalari departamenti muhandis-dasturchisi R.N. Salimov tomonidan tashkil etilib, talabalarga bugungi kunda keng tarqalgan kiberjinoyatlar, internet va ijtimoiy tarmoqlardagi firibgarlik holatlari hamda ulardan himoyalanish usullari haqida ma’lumot berildi.
Tadbir davomida noma’lum raqamlardan keladigan firibgarlik qo‘ng‘iroqlari, shubhali havolalar, zararli APK fayllar, bank kartalari va shaxsiy ma’lumotlarni himoyalash masalalariga alohida e’tibor qaratildi.
Shuningdek, talabalarga masofaviy ta’lim platformalaridan xavfsiz foydalanish, murakkab parollar o‘rnatish, ikki bosqichli autentifikatsiyani yoqish hamda shaxsiy akkauntlarni kiberxavflardan himoyalash bo‘yicha amaliy tavsiyalar berildi.
#KibermadaniyatOyligi2026
RU