25.09.2026

Buxoro davlat universitetida Raqamli ta’lim texnologiyalari departamenti boshlig‘i raisligida universitetda raqamlashtirish, axborot va kiberxavfsizlikni ta’minlash yo‘nalishida amalga oshirilayotgan ishlar hamda ularning natijadorligiga bag‘ishlangan tahliliy yig‘ilish bo‘lib o‘tdi.

Yig‘ilish davomida mas’ul xodimlarning amalga oshirilgan ishlar yuzasidan hisobotlari tinglandi. Mavjud axborot tizimlari va raqamli xizmatlarning holati, belgilangan vazifalarning ijrosi, joriy loyihalarning borishi, shuningdek, axborot resurslarini himoya qilish, kiberxavfsizlikni ta’minlash va mavjud xavfsizlik choralarining samaradorligi atroflicha tahlil qilindi.

Muhokamalar davomida amalga oshirilayotgan ishlarning samaradorligini yanada oshirish, mavjud jarayonlarni takomillashtirish, raqamli xizmatlar sifatini yaxshilash, axborot tizimlari va ma’lumotlar xavfsizligini mustahkamlash, kiberxavflarning oldini olish, shuningdek, belgilangan vazifalarning o‘z vaqtida va sifatli bajarilishini ta’minlash bo‘yicha tegishli vazifalar belgilandi.

Shuningdek, universitet faoliyatini izchil raqamlashtirish, zamonaviy axborot texnologiyalarini keng joriy etish, jarayonlarni avtomatlashtirish, axborot va kiberxavfsizlikni zamonaviy talablar asosida takomillashtirish hamda raqamli boshqaruv samaradorligini oshirish bo‘yicha kelgusidagi ustuvor yo‘nalishlar belgilab olindi.

Raqamlashtirish va axborot xavfsizligi — samaradorlik, shaffoflik, ishonchlilik va zamonaviy boshqaruv sari muhim qadam!