10.09.2026

Buxoro davlat universitetida professor-o‘qituvchilar va talabalar o‘rtasida kibermadaniyatni yuksaltirish, kiberjinoyatchilik va internet firibgarligining oldini olish, shuningdek, zamonaviy kiberxavf-xatarlardan himoyalanish bo‘yicha profilaktik-targ‘ibot tadbirlari izchil davom ettirilmoqda. Xususan, ishtirokchilarga so‘nggi vaqtlarda keng tarqalayotgan “dropperlik” amaliyotlarining mazmun-mohiyati, undan ko‘zlangan maqsadlar hamda bunday noqonuniy faoliyatga bilib-bilmay sherik bo‘lib qolishning salbiy oqibatlari haqida tushuntirishlar berilmoqda.

Targ‘ibot tadbirlari davomida fuqarolarga noma’lum manbalardan yuborilgan APK va boshqa shubhali fayllarni yuklab olmaslik va o‘rnatmaslik, shubhali havolalarga kirmaslik, “oson daromad” yoki turli mukofot va’dalariga aldanmaslik, shaxsiy ma’lumotlar, parollar hamda SMS-kodlarni begona shaxslarga bermaslik bo‘yicha tavsiyalar berilmoqda. Universitet jamoasini raqamli muhitda hushyorlikni oshirish, axborot xavfsizligi talablariga qat’iy rioya qilish va “dropperlik” amaliyotlariga sherik bo‘lmaslikka chaqiruvchi tushuntirish ishlari muntazam ravishda davom ettiriladi.