24.07.2026

"Dolzarb-90 kun" loyihasi doirasida ilhomlantiruvchi uchrashuv tashkil etildi

"Dolzarb-90 kun" loyihasi doirasida O‘zbekiston Respublikasi Prezidenti hamda nomli davlat stipendiyalariga hujjat topshirgan iqtidorli talabalar uchun "Kelajak bunyodkori" medali sohibasi Chinora G‘ulomova bilan uchrashuv bo‘lib o‘tdi.

Tadbir davomida Chinora G‘ulomova o‘zining ta’lim jarayonidagi yutuqlari, jamoatchilik faoliyati, yoshlar bilan ishlash hamda ijtimoiy loyihalarni amalga oshirish borasidagi tajribalari bilan o‘rtoqlashdi. Xususan, u Vobkent tumanida istiqomat qiluvchi, uyda ta’lim olayotgan bolalar uchun amalga oshirilayotgan "O‘qi va yuksal" loyihasi doirasida erishilgan natijalar, mazkur tashabbusning jamiyatdagi ahamiyati hamda bolalar hayotidagi ijobiy ta’siri haqida batafsil ma’lumot berdi.

Tashrif doirasida universitet rahbariyati tomonidan oliy ta’lim muassasasida amalga oshirilayotgan islohotlar va yaratilgan zamonaviy imkoniyatlar ham tanishtirildi. Xususan, universitet prorektorlari A. Nazarov va R. Jumaev universitetda masofaviy ta’lim tizimini samarali tashkil etish bo‘yicha amalga oshirilayotgan ishlar, talabalar uchun yaratilgan qulay shart-sharoitlar, zamonaviy infratuzilmaga ega yangi universitet kampusi, Office Registrar faoliyati hamda ta’lim sifatini oshirishga qaratilgan yangiliklar haqida batafsil ma’lumot berdilar.

Uchrashuv ishtirokchilarda katta taassurot qoldirib, ularni ilm-fan, ta’lim va jamoatchilik faoliyatida yanada faol bo‘lishga undadi.

Tohirjon Istatov olgan suratlar.