21.05.2026

BuxDUda “Jismoniy tayyorgarlik darajasini aniqlash” sport sinovlari davom etmoqda

O‘zbekiston Respublikasi Prezidentining 2021-yil 16-iyuldagi PQ-5148-son qarori hamda Sport vazirligining 2026-yil 30-apreldagi tegishli xati ijrosini ta’minlash maqsadida 2026-yil 5–20-may kunlari oliy ta’lim muassasalari talaba-yoshlari o‘rtasida jismoniy tayyorgarlik sinovlarining ikkinchi bosqichi bo'lib o'tdi.
 

Shu munosabat bilan, Buxoro davlat universitetining sport maydonida talabalar o‘rtasida “Jismoniy tayyorgarlik darajasi” sport sinovlari tashkil etildi.

Mazkur sinovlar talabalarning umumiy jismoniy rivojlanish darajasi, chidamliligi, tezkorligi va kuch sifatlarini aniqlashga qaratilgan bo‘lib, dastur doirasida ishtirokchilar arg‘amchida sakrash, 100 metrga yugurish, yerga tayangan holda qo‘llarni bukish va yozish, kurakda yotgan holda gavdani 90 darajaga ko‘tarish hamda turnikda tortilish kabi mashqlarni bajardilar.

Sinov jarayonlari tajribali mutaxassislar va hakamlar hay’ati tomonidan aniq mezonlar asosida baholanib, natijalar belgilangan tartibda qayd etildi.

Tadbir davomida sog‘lom raqobat muhiti, sportga bo‘lgan qiziqish va yuqori kayfiyat hukm surdi. Talabalar nafaqat o‘z jismoniy imkoniyatlarini sinovdan o‘tkazdilar, balki irodaviy sifatlarini ham namoyon etdilar.

Mazkur sport sinovlari yoshlar orasida sog‘lom turmush tarzini targ‘ib etish, jismoniy faollikni oshirish hamda sportga bo‘lgan qiziqishni yanada kuchaytirishda muhim ahamiyat kasb etmoqda.