10.04.2026

BuxDU talabasi – “Vazir kubogi” finalida eng yaxshi to‘purar!

O‘zbekiston davlat jahon tillari universitetida o‘tkazilgan “Vazir kubogi” chim ustida xokkey musobaqasi o‘z nihoyasiga yetib, yakunda tantanali taqdirlash marosimi tashkil etildi.

Musobaqa davomida nafaqat jamoaviy, balki individual mahorat ham alohida e’tirof etildi. Ayniqsa, Buxoro davlat universiteti vakili Saidmurodova Ug‘iloyning yorqin o‘yini hakamlar va mutaxassislar tomonidan yuqori baholanib, u “Eng yaxshi to‘purar” nominatsiyasiga sazovor bo‘ldi.

Mazkur natija BuxDUda sportni rivojlantirish, talaba-yoshlarning jismoniy salohiyatini oshirish borasida olib borilayotgan tizimli ishlarning amaliy samarasidir. Ug‘iloyning ushbu yutug‘i universitet jamoasi uchun katta faxr bo‘lib, yosh sportchilar uchun munosib motivatsiya vazifasini o‘taydi.

 E’tiborlisi, musobaqada respublikamizning yetakchi oliy ta’lim muassasalari jamoalari ishtirok etib, keskin va murosasiz bahslar orqali haqiqiy sport ruhi namoyon etildi. 

 BuxDU jamoasi nomidan Saidmurodova Ug‘iloyni ushbu munosib yutuq bilan samimiy muborakbod etamiz hamda kelgusi musobaqalarda yanada ulkan zafarlar tilaymiz!