03.04.2026

 “TALABALAR LIGASI – 2026” DOIRASIDA KURASH MUSOBAQASI BO‘LIB O‘TDI

Buxoro davlat universitetida an’anaviy tarzda o‘tkazib kelinayotgan “Talabalar ligasi – 2026” sport musobaqalari doirasida kurash sport turi bo‘yicha universitet bosqichi yuqori saviyada tashkil etildi.

 Musobaqada talabalar erkaklar (60, 66, 73, 81, 90, +90 kg) hamda ayollar (52, 63, 70, +70 kg) vazn toifalarida o‘zaro bellashib, murosasiz va qiziqarli bahslar namoyish etdi.

Bugun bo‘lib o‘tgan yakuniy bahslar va taqdirlash marosimi universitet rahbariyati ishtirokida tantanali ruhda o‘tkazildi.

 Musobaqa yakunlariga ko‘ra g‘olib va sovrindorlar BuxDU sport klubi tomonidan qimmatbaho sovg‘alar bilan taqdirlandi.

Mazkur sport tadbiri talaba-yoshlar o‘rtasida sog‘lom turmush tarzini keng targ‘ib etish, milliy sportimiz bo‘lgan kurashni rivojlantirish hamda iqtidorli sportchilarni aniqlashga xizmat qildi.

Barcha ishtirokchilarni tabriklaymiz va kelgusi musobaqalarda yanada katta yutuqlar tilaymiz!