19.09.2026

      «O`zbekistonim»    

“Biz mustaqil bo`ldik jangsiz qurolsiz”,-

Desalar ishonmam bu iddaoga.

Bobolarim alvon qoni-la yetdik

Asriy orzuimiz bu muddaoga.

Uzoq o`tmishlarga bir nazar tashlang:

Yurt uchun jon bergan fidolar yotar.

Shahidlar ko`ksidan otilgan alvon

Mangu shafaq bo`lib g`urubda botar.

Ayol bo`la turib jo`mard yigitday

Unda qilich qayrar ona To`maris.

Millat shani farzand oridan ustun

Kurashda toblangan “Vatan” degan his.

Cheksiz cho`llaringda yolg`iz dushmanga

Bir o`zi bas kelgan Shiroq cho`ponim.

O`zbekka beklikning tojin kiydirgan

Jaloliddin kabi asl qalqonim.

Vatan, har qariching yovdan qizg`angan

Sen Temur bobomning asriy nidosi.

Sen ilkida qilich, qalbida sog`inch

Zaminni titratgan Bobur nidosi.

She`riyat dengizin o`pqonlarida

Bobolar kuyladi Vatan madhini.

Cho`lpon, Fitrat, Usmon nolalarida

Men ko`rdim: yurtsevar jonning ahdini.

Osmonni bezadi Humo parvozi

Mag`rur hilpiradi Vatan bayrog`i.

Murodbaxsh kun uchun shukrona aytar:

Shu yurtning keksasi, qiz-u o`g`loni.

Vatandosh, istiqlol muborak bo`lsin.

Oqmasin onalar ko`zin yoshlari.

Yutuqlardan qalblar g`ururga to`lsin.

Umrboqiy bo`lsin erk nasimlari.

 Buxoro davlat universiteti Xorijiy tillar fakulteti Filologiya va tillarni o`qitish:ingliz tili yo`nalishi 2-kurs talabasi

Baxramova Shaxnoza Erkinovna