“BOBUR FIGʻONI”
Hind sori kelganman yurtimni tashlab,
Yuragim firoqda, koʻzlarim yoshlab,
Yaratdim bogʻlarni, kezdim togʻlarin,
Zarra tuprogʻingga qolmadi oʻxshab,
Yurtim jamolingni tushda koʻramen,
Tentirab telbavor dashtda yuramen!
Yaratdim mislsiz arkoni davlat,
Qurdik kimlar ila ulugʻ mashvarat,
Hind eli ichinda nomlar qozondik,
Kimlar etmadilar bizlarga hayrat,
Yurtim jamolingni tushda koʻramen,
Tentirab telbavor dashtda yuramen!
Topoldim sehrli,oʻzgacha olamni,
Tebratdim tunu kun oʻtkir qalamni,
Uchratdim ming minglab pari,sanamni,
Hasratli, ogʻir dard oʻrtar tanamni,
Yurtim jamolingni tushda koʻramen,
Tentirab telbavor dashtda yuramen!
Oʻshal ol shafaqda quyosh porlaydi,
Tong chogʻi adirlar ,togʻlar chorlaydi,
Qushlari jilvakor,tengsiz nabotot,
Meni vujudimni faryod dogʻlaydi,
Yurtim jamolingni tushda koʻramen,
Tentirab telbavor dashtda yuramen!
Qurdim zaminida koʻplab imorat,
Boyligi bisyordur,har yon tijorat,
Dunyo karvonlari kelib ketadur,
Tuprogʻing hidini qoʻmsadim faqat,
Yurtim jamolingni tushda koʻramen,
Tentirab telbavor dashtda yuramen!
Yaratdim bul yonda olma-oʻrikzor,
Bir yonda,sabzavot ,turli rezavor,
Bitmadi Andijon- totlik qovuni,
Xasta koʻngil oʻrtar, takror va takror,
Yurtim jamolingni tushda koʻramen,
Tentirab telbavor dashtda yuramen!
Ey Bobur,qurolding arkon, Hindiston,
Chor tomoning boʻldi bogʻ ila boʻston
Ilmu urfon,hatto kutubxonang bor
Bir isitma otash ,yondirar figʻon,
Yurtim, jamolingni tushda koʻramen,
Tentirab telbavor dashtda yuramen!
Gulchiroy bobongda shuncha alam bor,
Bu azim tuproqqa kimlar oʻtgan zor,
Bir umr sen tavof aylasang arzir,
Shukurkim ,shul yurtda men ham bor!
Bobojon avlodlar yodlar nomingiz,
Hamisha tinch boʻlsin aziz ruhingiz!
Tabiiy fanlar fakulteti
2-2 Geo-21 guruh talabasi Jabborova Gulchiroy
