28.04.2026

BuxDU talaba-yoshlari Qoraqalpog‘istondagi 1-maktab faoliyati bilan tanishdi

Qoraqalpog‘iston Respublikasiga uyushtirilgan tashrif doirasida Buxoro davlat universiteti talaba-yoshlari hamda mas’ul professor-o‘qituvchilar BuxDU Kasaba uyushmasi qoʻmitasi hamkorligida 1-maktabda bo‘lib, ta’lim muassasasi faoliyati bilan yaqindan tanishdilar.

Tashrif davomida maktabda yaratilgan shart-sharoitlar, o‘quv jarayonlari, ma’naviy-ma’rifiy muhit hamda yoshlar tarbiyasiga qaratilgan ishlar yuzasidan atroflicha ma’lumot olindi.

Shuningdek, BuxDU vakillari  tomonidan o‘quvchi-yoshlar bilan uchrashuv tashkil etilib, Buxoro davlat universitetida yaratilgan imkoniyatlar, ta’lim yo‘nalishlari, talabalik hayoti hamda yoshlar uchun mavjud sharoitlar haqida targ‘ibot-tashviqot ishlari olib borildi.

Mazkur uchrashuv Buxoro va Qoraqalpog‘iston yoshlari o‘rtasidagi do‘stlik va hamkorlik rishtalarini yanada mustahkamlashga xizmat qildi.

Buxoro davlat universiteti
Axborot xizmati