Kafedra mudiri_ (fan nomzodi yoki ilmiy unvonga ega)
Fizika kafedrasi
m.z.sharipov@rambler.ru
Kafedra haqida
Fizika kafedrasi 1931-yilda tashkil etilgan. Kafedra turli yillarda prof. M.N. Rahmatov, prof. Q.B.Boybo‘tayev, dots. J.B.Murodov, prof. V.A.Mo‘minov, prof.B.M. Ochilov, dots. O.X.Shodiyev, dots. T.D.Jo‘rayev, prof. Sh.M.Mirzayev, dots. K.Q.Qurbonov, S.A.Boltayev, dots. E.S.Nazarov, dots. B.E.Niyazxonova, ped.f.n. M.I.Daminov boshqarib, uning ilmiy-pedagogik salohiyatini oshirish va moddiy-texnik bazasini mustahkamlashga o‘zlarining munosib hissalarini qo‘shdilar. Hozirgi paytda kafedrani f.m.f.n. dotsent Fayziyev Shaxobiddin Shavkatovich boshqarib kelmoqda.
O‘zR FA “Fizika-Quyosh” IICh birlashmasi fizika-texnika institutida kafedra filiali mavjud. Kafedra a’zolari Qorako‘l akademik litseyi va bir qator kasb-hunar kollejlariga o‘quv-uslubiy yordam ko‘rsatadilar. Ilmiy va o‘quv ishlarining samaradorligini oshirish maqsadini ko‘zlab quyidagi ilmiy tashkilotlar va ta’lim muassasalari bilan hamkorlik shartnomalari tuzilgan: O‘zbekiston Respublikasi Fanlar akademiyasining “Fizika-Quyosh” IICHB, Materialshunoslik instituti, O‘zMU, SamDU, QarDU, Qorako‘l tuman iqtidorli o‘quvchilar maktab internati, Buxoro shahridagi 8-sonli, G‘ijduvon tumanidagi 29-sonli, umumiy o‘rta ta’lim maktablari shular jumlasidandir. O’zbekiston Republikasi Prezidentining 2021 yil 19-martdagi №ПҚ-5032 “Fizika sohasidagi ta’lim sifatini oshirish va ilmiy tadqiqotlarni rivojlantirish chora-tadbirlari to’g’risidagi” qaroriga muvofiq Buxoro viloyati Buxoro shahridagi 12-son umumta’lim maktabida Buxoro davlat universiteti Fizika kafedrasi tomonidan fizika faniga ixtisoslashtirilgan tayanch maktabi tashkil etildi. Shu qarorga muvofiq Buxoro shahar 29-son umumta’lim maktab, Buxoro tuman 1-son umumta’lim maktab, Kogon tuman 5-son umumta’lim maktab, Romitan tuman 7-son umumta’lim maktab, Qorovulbozor tuman 8-son ixtisoslashtirilgan maktab, G’ijduvon tuman 5-son umumta’lim maktablarida kafedra tomonidan 2021-2023 yillarda fizika fani chuqurlashtirilib o’qitiladigan sinflar tashkil etilib kelinmoqda.
