Kafedra mudiri_ (fan nomzodi yoki ilmiy unvonga ega)
Differensial tenglamalar kafedrasi
umidjan93@mail.ru
“Differensial tenglamalar” kafedrasi tarixi BuxDU (BDPI) tarixi bilan chambarchas bog‘liq. Turli yillarda kafedra turlicha nomlangan.O‘tgan asrning 60-yillarida kafedra “Matematika” kafedrasi deb nomlangan. Bu yillarda kafedra mudiri lavozimida A.Yusupov ishlagan. Kafedra o‘sha davrdan hozirgacha o‘z mavqeini yo‘qotmagan.
2010 yil “Diffеrеntsial tеnglamalar”, “Algebra va analiz” kafedralari birlashtirilib, “Matematik fizika va analiz” kafedrasi tashkil qilingan va unga f.-m.f.n. R.T.Muxitdinov mudirlik qilgan. 2015 yildan kafedra nomi o‘zgarib “Matematika” kafedrasi deb atala boshlandi, unga 2018 yil yanvar oyiga qadar f.-m.f.n. dotsent I.M.Jo‘raev mudirlik qilgan. 2018 yil aprel oyidan f.-m.f.n. dotsent N.H.Mamatova kafedra mudirlik qilgan. 2020 yil oktabr oyidan boshlab “Matematika” kafedrasi yana ikkiga “Differensial tenglamalar” va “Matematik analiz” kafedralariga ajraldi. Shu vaqtdan boshlab “Differensial tenglamalar” kafedrasida f.-m.f.n. dotsent U.D.Durdiyev mudirlik qilayapti. “Differensial tenglamalar” kafedrasida 2 ta fan doktori, 11 ta fan nomzodi, 1 ta katta o‘qituvchi, Novosibirsk davlat universitetida magistr darajasini olgan 3 ta yosh ilmli o‘qituvchi va 14 ta o‘qituvchi ishlab kelmoqda. Kafedraga turli yillarda Moskva, Kiev, Novosibirsk, Qozon, Toshkent, Samarqandda faoliyat ko‘rsatayotgan yetakchi oliy o‘quv yurtlarining va ilmiy tekshirish institutlarining olimlari talabalar uchun maxsus kurslar va alohida ma’ruzalar o‘qiganlar. Ulardan I.Kukles, B.Boltyanskiy, O.Danilov, T.Jo‘raev, Sh.Ayupov, G‘.G‘anixodjayev, N.G‘anixodjayev, S.Abdunazarov, U.Rozikov, R.Beshimov va boshqalarni ko‘rsatib o‘tish mumkin. Kafedraning V.I.Romanovskiy nomidagi Matematika institute Buxoro bo‘linmasi (http://www.mathinst.uz/) bilan, Novosibirsk davlat universiteti (https://www.nsu.ru/n/), Qozon Federal universiteti (https://kpfu.ru/), SamDU (http://samdu.uz) “Algebra va geometriya” kafedrasi va boshqa OTMlar bilan hamkorlik shartnomalari tuzilgan.
O‘zbekiston Respublikasi Prezidentining “Kambag‘allikni qisqartirishda tadbirkorlik subyektlari bilan o‘zaro manfaatli hamkorlik o‘rnatishga qaratilgan chora-tadbirlar to‘g‘risida” 2023-yil 12-iyuldagi PF–93-son Farmoni, O‘zbekiston Respublikasi Vazirlar Mahkamasining 2025-yil 16-yanvardagi 14-sonli “Oliy ta’lim tizimida dual ta’limni tashkil etish chora-tadbirlari to‘g‘risida” qarori hamda qarorning ilovasi bilan tasdiqlangan “Oliy ta’lim tizimida dual ta’limni tashkil etish tartibi to‘g‘risida”gi nizomda belgilangan maqsad va vazifalarni amalga oshirish maqsadida Qorako‘l akademik litseyida Differensial tenglamalar kafedrasi filiali tashkil etilgan.
