#Talabalar_ijodidan
#Tabiiy_Fanlar
Hasrat...
Men ham oddiy insonman,
Menda ham bor dard alam,
Birovga zahrim sochmay,
Olarman qo'lga qalam...
Ijodimdan izlayman,
Savollarga javobni,
Ammo doim ko'zlayman,
Foyda emas savobni.
Yozadigan she'rlarim,
Sizga ozor bermasin,
Yozdim hayotdan olib,
Ko'nglingizga kelmasin.
Alam bilan do'stlashdim,
Armon bilan so'zlashdim,
Xasta yurak dardiga,
Bitta davo izlashdim...
Bir tekis emas hayot,
Pasd-u baland yerlari,
Izsiz ketdi dunyoning,
Menman degan sherlari.
So'zda ajib sehr bor,
Maftun qilib qo'yadi,
Manzilidan adashsa,
Dilni tilib qo'yadi.
Go'zal misralar bitish,
Menga emasdir balkim,
Zarba berganda hayot,
Shoir bo'larkan har kim.
Hecham ko'ngil to'lmasa,
Xiyonatga uchrasa,
Tuyg'ularing qulasa,
Mazlum bo'lar ekansan.
Hech kim abadiy qolmas,
Yuraksiz yashab bo'lmas,
Qaysarda bu ko'nglimiz,
Aqilga hech bo'ysinmas.
Kim asli kimligini,
Vaqti kelsa bilamiz,
Inson bo'lib yashaylik,
O'zi bir bor kelamiz.
✍️ ALIJON YO'LDOSHEV Tabiiy Fanlar Fakulteti 2-1EkoKT-22 Talabasi
