#Talabalar_ijodidan
#Tabiiy_fanlar
Musofirga osonmas
Vatanidan yiroqda,
Shirin joni qiynoqda,
Bo'lsa hamki qayoqda,
Musofirga osonmas.
Yurar ishga ovunib,
Yuragidan og'rinib,
Yaqinlarni sog'inib,
Musofirga osonmas.
Dardi bor kulgusida,
Halol rizq qayg'usida
Tinchlik yo'q uyqusida,
Musofirga osonmas.
Boshidan o'tgan bilar,
Majbur shirin gapirar,
Bir kuni qaytib kelar,
Musofirga osonmas.
Mashaqqatdan o'tadi,
Jondan to'yib ketadi,
Qachon kami bitadi,
Musofirga osonmas.
Unda ham bor orzular,
Tugasaydi qayg'ular,
Ahvolini kim bilar,
Musofirga osonmas.
Har kun yo'lga qaraydi,
Qachon ketar bilmaydi,
Yuragidan yig'laydi,
Musofirga osonmas.
Yangrar iztirob kuyi,
Uzoqda qolgan uyi,
Ko'rolmadi yil bo'yi,
Musofirga osonmas.
U kimningdir bolasi,
Kutar ota onasi,
Kim tinglaydi nolasi,
Musofirga osonmas.
Ozgina qoldi deydi,
Endi yil bo'ldi deydi,
Yerda yurar,osmonmas,
Musofirga osonmas.
✍️ ALIJON YO'LDOSHEV Tabiiy Fanlar Fakulteti 2-1EkoKT-22 Talabasi
