#Talabalar_ijodidan
#Tabiiy_Fanlar
Odamlarga nima bo'lyapti?...
Har qadamda yolg'on so'zlagan,
Bu dunyodan ko'nglim qolyapti,
Yurar yo'lda foyda izlagan,
Odamlarga nima bo'lyapti?
Qani mehr, qani muhabbat?
Ajvidaku har joyda g'iybat,
Bilib bilmay qilishar tuxmat,
Odamlarga nima bo'lyapti?
Yuraklar ham aylanib toshga,
Yog'ilyapti balolar boshga,
Ko'zlar to'ldi alamli yoshga,
Odamlarga nima bo'lyapti?
O'rnida zamon ham o'rnida dunyo,
Na bizlar farishta na siz avliyo,
O'zlarin unutib qo'ydilar go'yo,
Odamlarga bugun nima bo'lyapti?
Jigarlar bo'lishdi misli begona,
Otalar qayg'uda, hasratda ona,
Charog'on uylar ham bugun g'amxona,
Odamlarga bugun nima bo'lyapti?
Pokiza tuyg'ular topib nihoya,
Ojizani xo'rlar,qilmay himoya,
G'arazlik va hasad qilinib hadya,
Odamlarga bugun nima bo'lyapti?
Noyob bo'lib qoldi shirin so'zlar ham,
Begona bo'lyapti tanish yuzlar ham,
Yomg'irda yuvildi ba'za izlar ham,
Odamlarga bugun nima bo'lyapti?
Jaholat qariga botib ketdikku,
Yuraklar yarador,o'ksik kemtikku,
Endi kimmiz, axir inson edikku,
Odamlarga bugun nima bo'lyapti?
Onalar bolasin tashlab ketyapti,
Murg'ak qalblar ko'zin yoshlab ketyapti,
Qilmishlar baloni boshlab kelyapti,
Odamlarga bugun nima bo'lyapti?
Bugunga bir boqing endi o'tmishga,
Tayyormizmi erta javob berishga?
Umrimiz misoli shamdek so'nyapti,
Odamlarga bugun nima bo'lyapti?
Mayli jonimiz sog' omon bo'lsin bosh,
Ko'ngilga bir yaqin topilmas sirdosh,
Yozaversam qalam bermaydi bardosh,
Odamlarga bugun nima bo'lyapti?
✍️ ALIJON YO'LDOSHEV Tabiiy Fanlar Fakulteti 2-1EkoKT-22 Talabasi
