Kafedra mudir_ (fan doktori va professor ilmiy unvonga ega)
Iqtisodiyot kafedrasi
mels-2010@bk.ru
907115309
Kabinet mudiri
Iqtisodiyot kafedrasi
1065468767
Kabinet mudiri
Iqtisodiyot kafedrasi
boysunrmml@gmail.com
+998885502244
Kafedra haqida
BuxDU rektorining 2003 yil 3 iyuldagi 164-U sonli buyrug‘iga asosan “Iqtisodiyot” kafedrasi “Tarmoq iqtisodiyoti” va “Amaliy iqtisodiyot” kafedralarining birlashtirilishi natijasida tashkil etilgan. 2018-yilga qadar kafedraga i.f.n., N.H.Alimjanov, i.f.d., H.O.Raxmonov, i.f.n.,dots. M.A.Oripovlar mudirlik qilishgan. 2018 yil 5 fevraldan boshlab kafedra mudiri lavozimida universitet rektori buyrug‘i asosida i.f.f.d.,Ph(D) A.J. Abdulloev faoliyat ko‘rsatmoqda.
Kafedra malakali kadrlar tayyorlash bo‘yicha yuqori darajadagi ilmiy-texnologik salohiyatga ega. Hisobot davrida kafedrada jami 46,0 shtat birligida 52 nafar pedagog-xodimlar faoliyat ko‘rsatdi. Shundan 33 nafari asosiy shtatda, 19 nafari o‘rindoshlik asosida ishlab kelmoqda. Asosiy shtatda faoliyat ko‘rsatayotgan pedagog-xodimlarning 6 nafar (18.1 foiz)i ilmiy darajaga ega, 27 nafar (82.9 foiz)i esa ilmiy darajaga ega bo‘lmagan xodimlardir. O‘rindoshlik asosida faoliyat ko‘rsatayotganlar esa 10 nafar (52.3 foiz) ilmiy darajaga ega shuningdek 9 nafar (47.7 foiz)i esa ilmiy darajaga ega bo‘lmagan xodimlardir. Kafedra pedagog-xodimlarining umumiy soni bo‘yicha hisoblaganda ilmiy salohiyat 34.7 foizni tashkil etadi. Kafedra universitet hamda fakultet Kengashlari ko‘rsatmalari asosida tasdiqlangan reja, shuningdek, kafedra majlislari asosida o‘z faoliyatini olib bordi. Barcha dolzarb masalalar kafedra majlislarida muhokama qilinib tegishli qarorlar qabul qilindi.
Kafedrada tayyorlanayotgan ta’lim yo’nalishlari, mutaxassisliklar va ixtisosliklar:
Ta’lim yo’nalishlari:
60310200 – Iqtisodiyot (tarmoqlar va sohalar bo‘yicha)
60410100 – Buxgalteriya hisobi va audit (tarmoqlar va sohalar bo‘yicha)
60410800 – Statistika (tarmoqlar va sohalar bo‘yicha)
60411300 – Biznesni boshqarish (tarmoqlar va sohalar bo‘yicha)
60411700 – Logistika (yo`nalishlar bo`yicha)
60412400 – Agrobiznes va investitsion faoliyat
Mutaxassisliklar:
70310102 Иқтисодиёт (тармоқлар ва соҳалар бўйича)
70310501 Рақамли иқтисодиёт
Kafedra tomonidan olib borilayotgan ilmiy ishlar:
Igamova Sh.Z. – 08.00.03 – Sanoat iqtisodiyoti. "Qurilish materiallari korxonalarida innavatsion jarayonlar samaradorligini oshirish" (Buxoro viloyati misolida)
Kafedraning ilmiy-tadqiqot faoliyati:
Kafedrada har yili Respublika va OTMlar miqyosida ilmiy anjumanlar tashkil etish an`anaga aylangan. Jumladan, O‘zbekiston Respublikasi Vazirlar Mahkamasining 2019 yil 25 fevraldagi №133-F-sonli Farmoyishiga muvofiq Buxoro davlat universitetida 2019 yil 12-13 aprel kunlari «O‘zbekistonda chorva oziqasi ekinlarni hosildorligi va ozuqa yetishtirishning samaradorligini oshirish» mavzusida Respublika ilmiy-amaliy anjumani tashkil etildi. Shuningdek, O‘zbekiston Respublikasi Vazirlar Mahkamasining 2019 yil 25 fevraldagi №133-F-sonli Farmoyishiga muvofiq Buxoro davlat universitetida 2019 yil 24 may kunlari “Qishloq xujaligida klaster tizimini rivojlantirish: tajribalar, natijalar va istikbolli yunalishlar” mavzusida Respublika ilmiy-amaliy anjumani tashkil etilmoqda.
Kafedra professor-o`qituvchilari tomonidan 500 dan ortiq maqola va tezislar chiqarilgan. Jumladan, birgina 2018-yilda 50 dan ortiq maqola va tezislar chop etilgan.
Kafedra O’zbekiston Milliy universiteti, Samarqand davlat universiteti, Toshkent Iqtisodiyot universiteti, Toshkent moliya instituti, O`zR Fanlar akademiyasi va Buxoro viloyatidagi akademik litsey va kollejlar bilan hamkorlikni yo’lga qo’ygan. Bu KHKlarida kafedraning filiallari tashkil etilib, malakali o’qituvchilar mashg’ulot o’tmoqdalar.
Kаfedrаning xаlqаro hаmkorligi:
Buxoro davlat universiteti ERASMUS+ loyihasi asosida TALENT xalqaro grantida ishtirok etmoqda. Ushbu grant ijrochilari sifatida Iqtisodiyot kafedrasining professor-oʼqituvchilari Z.S.Nurov, va А.Sherov faoliyat olib bormoqdalar. Grant dasturi doirasida “Inson resurslarini boshqarish” mutaxassisligi boʼyicha magistratura dasturi va rejalarini ishlab chiqishda faol ishtirok etilmoqda. Ushbu xalqaro grant 2019 yildan 2022 yilgacha davom etadi va ish nihoyasida Inson resurslarini boshqarish boʼyicha magistratura mutaxassisligini ochish boʼyicha dastlabgi zarur xujjatlar tayyorlanadi.
Iqtisodiyot kafedrasi a`zolari Evropa Komissiyasi tomonidan moliyalashtiriladigan bir qator TEMPUS va Erasmus Mundus loyihalarida ishtirok etib kelishmoqda. Masalan, S.S.Davlatov va B.Adizov UNIWORK loyihasida ishtirok etdilar.
Loyiha ishtirokchilari:
BuxDU
Toshkent xalqaro Vestminster universiteti
Loyiha qiymati 95 ming yevro
Аsosiy vositalar uchun 16,5 ming yevro
BuxDU boʼyicha Loyiha koordenatori-А.T.Joʼraev.
Nurov Z.S. Buxoro davlat universiteti va Italiyaning Аkvila universitetlari oʼrtasida tuzilgan CO-TUTELA shartnoma asosida PhD ilmiy darajasini olish uchun dissertatsiyasini tayyorladi va himoya jarayoni 2019 yilning sentyabr oyida qilindi. Yevropa komissiyasining MIND proekti boʼyicha ham ishlar bajarildi hamda davom etmoqda.
Raximov O.X. Ispaniyaning Santyago de Kompostela universitetida (QSda 751-800, Timesda 801-1000, ARWUda 401-500, US Newsda 553-o‘rinda) “Agrar sohani liberallashtirish sharoitida Buxoro viloyatida suv resurslaridan foydalanish samaradorligi tahlili” mavzusidagi dissertatsiyasini tayyorladi va 2022 yilning sentabroyida himoyasi bo‘lib o‘tdi. Dissertatsiya ishiga rahbarlik BuxDU rektori prof. Obidjon Xamidov hamda SDKU professori Tomas Kuesta tomonidan amalga oshirildi. Ilmiy tadqiqot ishi dastlab Yevropa Ittifoqining Erasmus Mundus dasturi, keyinchalik “El-yurt umidi” jamg‘armasi hamda BuxDU tomonidan qo‘llab-quvvatlangan ilmiy stajirovka dasturlari doirasida amalga oshirildi. Dissertatsiya himoyasi Santyago de Kompostela universiteti, Korunya universiteti, Migel Ernandes nomli universitet vakillaridan tashkil topgan komissiya tomonidan qabul qilindi.
Loyiha ishtirokchilari:
BuxDU, SQXI, TDIU, Loyiha qiymati 54 ming yevro
Аsosiy vositalar uchun 16,5 ming yevro
BuxDU boʼyicha Loiyha koordenatori-O.X.Raximov.
Yevropa komissiyasining MIND proekti boʼyicha kichik biznes va xususiy tadbirkorlar uchun maslaxat xonasi tashkil etilgan.
Kafedra o’qituvchilarining yutuqlari:
Kafedra o`qituvchilari tomonidan umumiy summa 24 350 ming so`mlik xo`jalik shartnomalari amalga oshirilgan.
Buxoro davlat universiteti va Qozon federal universiteti bilan tuzilgan bitimga asosan 5320100-Iqtisodiyot (tarmoqlar va sohalar bo’yicha) 40 nafar talaba qo’shma dastur asosida tahsil olmoqda.
Kafedra talabalarining yutuqlari:
Buxoro davlat universiteti Iqtisodiyot va turizm fakul'teti Iqtisodiyot kafedrasida 2021-2022 o‘quv yilida ta'lim olayotgan iqtidorli talabalar soni 23 ta. 2022 yil yanvar'-mart oylari mobaynida Iqtisodiyot va turizm fakul'teti Iqtisodiyot ta'lim yo‘nalishida tahsil olayotgan iqtidorli talabalar o‘z ilmiy rahbarlari boshchiligida ilmiy faoliyat olib bordilar va bir qator yutuqlarga erishdilar. Xususan, 2022 yil yanvar'-mart oylari mobaynida iqtidorli talabalarimizning 20dan ortiq maqolalari respublika va xorij jurnallarida chop etildi. Iqtisodiyot kafedrasi i.f.n.dos Abdullaev A.J. rahbarligida Qodirova Nozima , iqtisodiyot kafedrasi i.f.n.dos Yavmutov D.Sh. rahbarligida Raxmonqulova Nafisa va bir qator iqtidorli talabalarimiz bir qancha respublika va xorijiy jurnallarda maqola va tezislar chop ettirib, sertifikatlarga ega bo‘ldilar. Hamkorlikda uslubiy qo‘llanma, elektron hisoblash mashinalari uchun yaratilgan dastur uchun mualliflik guvohnomasiga ega bo‘ldilar. Bundan tashqari iqtidorli talabalarimiz kafedra huzurida tashkil etilgan «Yosh iqtisodchi» va “Buxgalteriya hisobi” “Munozara” to‘garaklariga a'zo. “Munozara” to‘garaklari o‘rtasida tashkil etilgan “Oddiy kitob-elektron kitobdan afzal” mavzusida turnirda ishtirok etib 1-o‘rinni qo‘lga kiritdilar. Kafedra professor o‘qituvchilar o‘z rahbarliklari ostidagi iqtidorli talabalar bilan hammualliflikda Respublika miqyosida maqola va tezislar chop ettirishdi. Iqtidorli talabalarimiz Raxmonqulova Nafisa Olimjon qizi Islom Karimov nomli davlat stipendiyasiga va Qodirova Nozima Rasulovna Navoiy nomli davlat stipendiyasiga sazovor bo‘ldi. Bir qator iqtidorli talabalarimiz viloyat miqyosida o‘tkazilgan “Eng zukko iste'molchi” ko‘rik tanlovida ishtirok etib, 2-o‘rinni qo‘lga kiritdi. Umuman olganda, Iqtisodiyot kafedrasida iqtidorli talabalar bilan ishlashga alohida e'tibor beriladi va ilmiy rahbarlar bunga ma'suliyat bilan yondashadi.
Kafedrada o’qitiladigan fanlar:
Magistratura mutaxassisliklari uchun:
