Dissertatsiya avtoreferatini rasmiylashtirish qoidalari

17.01.2022

- Dissertatsiya bo’yicha qo’lyozma huquqidagi avtoreferat chop etilishi va ko’paytirilishi kerak. Avtoreferatni WORDning 14 shriftida 1 intervalda yozish tavsiya etiladi.

Doktorlik dissertatsiyasi bo’yicha dissertatsiyaning qo’lyozma huquqidagi avtoreferati hajmi 32 betdan, nomzodlik dissertatsiyasi bo’yicha esa 16 betdan oshmasligi tavsiya etiladi. Ijtimoiy va gumanitar fanlar sohasidagi dissertatsiya avtoreferatining hajmi ko’pi bilan 30 foizga oshirilishi mumkin.

Dissertatsiya avtoreferati belgilangan shakldagi muqova hamda matn qismidan iborat. Avtoreferat muqovasi, avtoreferat oxirida beriladigan e’lon qilingan ishlar ro’yxati, rezyume va illyustraciyalar umumiy hajmga kirmaydi.

- Avtoreferat matni quyidagi bo’limlarga bo’linadi:

Dissertatsiyaning umumiy tavsifi. Ushbu bo’lim quyidagi qismlardan iborat bo’ladi:
a) Mavzuning dolzarbligi;
b) Muammoning o’rganilganlik darajasi;
v) Dissertatsiya ishining ilmiy-tadqiqot ishlari rejalari bilan bog’liqligi;
g) Tadqiqot maqsadi;
d) Tadqiqot vazifalari;
e) Ilmiy yangiligi;
j) Tadqiqot natijalarining ilmiy va amaliy ahamiyati;
z) Natijalarning joriy qilinishi;
i) Ishning sinovdan o’tishi;
k) Natijalarning e’lon qilinganligi;
l) Dissertatsiyaning tuzilishi va hajmi.
Dissertatsiyaning asosiy mazmuni. Ushbu bo’limda bajarilgan tadqiqotning qisqacha tavsifi bayon qilinishi kerak.
Xulosa. Ushbu bo’lim asosiy xulosalarni hamda tavsiyalarni qamrab olishi kerak.
E’lon qilingan ishlar ro’yxati. Bunda muallifning faqat dissertatsiya mavzusi bo’yicha e’lon qilingan ishlarining ro’yxati beriladi.
Rezyume quyidagilarni o’z ichiga oladi:

tayanch (eng muhim) so’zlar;

tadqiqot ob’ektlari;

ishning maqsadi;

tadqiqot usuli;

olingan natijalar va ularning yangiligi;

amaliy ahamiyati;

tadbiq etish darajasi va iqtisodiy samaradorligi;

qo’llanish (foydalanish) sohasi.

Ilmiy faoliyatga oid nizomlar

Dissertatsiya avtoreferatini rasmiylashtirish qoidalari

Resurslar