Ilmiy-innovatsion ishlanmalarni tijoratlashtirish bo‘limi tomonidan startap loyihalarni qo‘llab-quvvatlash yuzasidan ham salmoqli ishlar amalga oshirilmoqda. Startap loyihalar mazmuni, o‘ziga xos jihatlari, tanlovlarga taqdim etish shartlari bo‘yicha muntazam ravishda seminar-treninglar tashkil etib kelinmoqda.
2022-yilda “Blokcheyn texnologiyasidan foydalangan holda sun'iy intellektga asoslangan onlayn ta'lim uchun platforma ishlab chiqish” startap loyihasi (umumiy qiymati 556,8 mln. so‘m) g‘olibligi qo‘lga kiritildi.
Shuningdek, “STEM yo‘nalishida Arduino bazasiga asoslangan DIY (do it yourself) konstruktorlarini yaratish hamda ularni o‘qitish metodikasini ishlab chiqish” startap loyihasi O‘zbekiston Respublikasi Innovasion rivojlanish vazirligi tomonidan moliyalashtirish maqsadida yakuniy bosqichda ko‘rib chiqilmoqda.
Bugungi bo‘lim hamda universitet-professor o‘qituvchilari tomonidan “Ingliz tilini o‘rgatishga asoslangan platforma”, “Velo_city”, “Axborot_marketing” startap loyihalari startap loyihalar tanlovlariga taqdim etish uchun tayyorlanmoqda.
