Bugungi kunda universitetda umumiy qiymati 1 mlrd. 512,7 mln. soʼm boʼlgan 6 ta amaliy, innovatsion, tijoratlashtirish hamda yosh olimlarning boʼlajak olim tanlovida innovatsion loyihalari bajarilmoqda.
Xususan, ilmiy faoliyatga oid davlat dasturlari doirasida bajarilishi 2021-2022 yillarga moʼljallangan “Oila psixologiyasi fanidan multimediya mahsulotlarini yaratish” mavzusidagi innovatsion loyiha (yillik summasi 228,4 mln. soʼm, umumiy summasi 500 mln. soʼm) hamda bajarilishi 2021-2023 yillarga moʼljallangan “Tibbiyotga oid atamalar elektron platformasini yaratish” mavzusidagi amaliy loyiha (yillik summasi 212,2 mln. soʼm, umumiy summasi 900,0 mln. soʼm) bajarilmoqda.
2021-yilda loyihalarning yangi shakli hisoblangan tijoratlashtirish hamda startap loyihalarini amalga oshirish yuzasidan ham salmoqli ishlar amalga oshirildi.
Xususan, 2021-yilning 24-iyunida Innovatsion rivojlanish vazirligi Hayʼati, Buxoro davlat universiteti professor-oʼqituvchilari tomonidan ishlab chiqilgan “Buxoro viloyatida granulali omuxta yem ishlab chiqarishni tashkil etish” loyihasini moliyalashtirishga qaror qildi. Moliyalashtirish summasi 454,0 mln. soʼmni tashkil etadi.
Shuningdek, 2021-yilning 8-iyulida Innovatsion rivojlanish vazirligi Hayʼati, Buxoro davlat universiteti professor-oʼqituvchilari tomonidan ishlab chiqilgan “Resurs tejamkor ohorlovchi polimer-kompozitsiyalar yaratish va toʼqimachilik korxonalarida joriy etish texnologiyasi” tijoratlashtirishga tayyorlash loyihasini 492,4 mln. soʼmga moliyalashtirishga qaror qildi.
Ushbu tijoratlashtirish loyihalari mos ravishda “Novator chorvador” MChJ hamda “Sharq Business Solution” MChJlari bilan hamkorlikda Romitan innovatsion hududida amalga oshirilmoqda. Ushbu loyihalar boʼyicha universitet hamda tashkilotlar oʼrtasida litsenziya shartnomalari imzolangan.
2021-yilda Oʼzbekiston Respublikasi Innovatsion rivojlanish vazirligi tomonidan eʼlon qilingan “Boʼlajak olim” tanlovida p.f.d. (DSc), dotsent H.O. Joʼrayev tomonidan ishlab ishlab chiqilgan “Fizika fanidan raqamli texnologiyalarga asoslangan taʼlim platformasi prototipini yaratish” hamda f.f.n., dotsent Sh.Sh. Fayziyev tomonidan ishlab ishlab chiqilgan “Kobinatsiyalashgan quyosh chuchitgich-quritgich qurilmasi yaratish” ilmiy gʼoyalar tanlov gʼolibi sifatida tan olindi. Loyihalarning moliyalashtirish qiymati mos ravishda 98,0 mln. soʼm va 85,0 mln. soʼmni tashkil etadi.
