TO’RA MIRZAYEV (Akademik)
1936 yilda Buxoro viloyatining Shofirkon tumanida tug’ilgan.
Folklorshunos olim, filologiya fanlari doktori, professor, Beruniy nomidagi O’zbekiston Davlat mukofoti laureati, O’zbekiston Respublikasi Fan arbobi, O’zbekiston Respublikasi Fanlar akademiyasining akademigi.
To’ra Mirzayev o’zbek filologiyasining atoqli namoyandalaridan biri, xalq og’zaki badiiy ijodiyotini keng ko’lamda tadqiq etishdan iborat fundamental ilmiy maktabga asos solgan ulkan fan tashkilotchisi, eposshunoslikning ko’plab nazariy masalalarini jahonshumul darajada hal qilgan yirik folklorshunos olim.
To’ra Mirzayevning 600 dan ortiq ilmiy, uslubiy, ilmiy-ommabop ishlari e’lon qilingan. Ulardan 5 tasi monografiya, 5 tasi darslik va o’quv qo’llanmalari, 45 tasi kitob va folklor to’plamlaridir. Olimning kitob va maqolalari Rossiya, Germaniya, Turkiya, Tojikiston, Qozog’iston, Turkmaniston kabi mamlakatlarda ham nashr etilgan. Bugungi kungacha 24 fan nomzodi va 7 nafar fan doktori tayyorlagan.
