Buxoro davlat universitetida O‘zbekiston Respublikasi Oliy ta’lim, fan va innovatsiyalar vazirligi, Buxoro viloyati ekologik, atrof-muhitni muhofaza qilish va iqlim o'zgarishini boshqarish boshqarmasi, Green university-Markaziy Osiyoda atrof-muhit va iqlim o'zgarishini o'rganish universiteti, Qazan federal universiteti, OMSK davlat pedagogika universiteti hamda Buxoro davlat universiteti hamkorligida 5-iyun Xalqaro atrof-muhitni muhofaza qilish kuniga bag'ishlangan "Iqlim o'zgarishi sharoitida cho'l-voha ekosistemasi: muammolar va yechimlar" mavzusidagi xalqaro konferensiya bo'lib o'tdi.
Anjumanni BuxDU Ilmiy ishlar va innovatsiyalar bo‘yicha prorektori K.Samiyev kirish so'zi bilan ochib berdi. Shu bilan birga, konferensiya davomidan bir qator dolzarb mavzularda professorlar tomonidan ma'ruzalar o'qildi. Jumladan, Tabiiy fanlar va agrobiotexnologiya fakulteti dekani A.Qodirovning "Iqlim o'zgarishi sharoitida atrof-muhit muhofazasiga e'tibor" mavzusidagi ma'ruzasi tinglandi.
Shuningdek, konferensiyada OMSK davlat pedagogika universiteti dotsenti P.V.Bolshannik, Qazan federal universiteti kafedra mudiri R.A.Ulengov, Qazan federal universiteti dotsenti Y.Shakirovalar mavzu doirasida ma'ruzalar o'qishdi.
