Bugungi kun yoshlariga o’z maqsadlari yo’lida harakat qilishlari uchun barcha imkoniyatlar yaratilgan. Jumladan joriy yilning 31 – avgust kuni Buxoro markazida qad ko’targan “Yoshlar Markazi” ga Xitoy Xalq Respublikasining “Umumjahon Yoshlarni rijovlantirish forumi” ijrochi prezidenti Si Lyu xonim boshchiligidagi delegatsiya O’zbekiston yoshlar ittifoqi Markaziy Kengash raisining birinchi o’rinbosari – “Yoshlar kelajagimiz” jamg’armasi ijrochi direktori Bunyodbek Bahromov tashrif buyurishdi. Ularni viloyatimizning turli ta’lim muassasasida ta’lim olayotgan yoshlar hamda Samarqand viloyatidan kelgan “Javlonbekuz.sam.stroy” korxonasi direktori Javlonbek Primqulov birgalikda kutib olishdi.Delegatsiya a’zolari Xitoy Xalq Respublikasi tajribasini biz yoshlar bilan bo’lishish maqsadida “Biznes ta’limning zamonaviy yo’nalishlari Xitoy tajribasi mavzusida mahorat darslarini o’tdi. Xitoylik tengdoshlarimizning tadbirkorlik faoliyatida erishgan yutuqlari, muvaffaqiyatga erishish sirlari Buxoro yoshlariga anchayin qiziqish uyg’otdi desak mubolag’a bo’lmaydi.Tashrif jarayonida qatnashchilar bir qator takliflar bildirib, o’zlarini qiziqtirgan savollarga javob olishdi. Yoshlarning Xitoy tilida bemalol gaplasha olishlari, Xitoyda O’zbekiston kunini nishonlash kabi takliflari hamda ko’rsatilgan ehtirom mehmonlar labiga tabassum ulashdi. Shu jumladan Buxoro davlat universiteti Yoshlar yetakchisi Feruz Nurullayev ham universitetda tashkil etilgan Koreys markazi, Yapon markazi singari Xitoy Xalq Respublikasi bilan madaniy hamda ma’naviy aloqalarni bundanda mustahkamlash maqsadida kelgusida Xitoy markazini tashkil etish taklifini bildirdi. Bu taklif kelgusida amalga oshirilishi O’zbekiston yoshlar ittifoqi Markaziy Kengash raisining birinchi o’rinbosari – “Yoshlar kelajagimiz” jamg’armasi ijrochi direktori Bunyodbek Bahromov tomonidan rejalar qatoriga ilova qilindi. O’ylaymizki bu tashrif Buxoro yoshlariga bundanda ko’proq imkoniyatlar eshigini ochib beradi.
