"ASIA TRANS GAS" O‘zbekiston–Xitoy qo‘shma korxonasi xodimlari o‘rtasida mini futbol musobaqalari o‘tkazilmoqda.
O‘zbekiston Respublikasi Mustaqilligining 34 yilligi munosabati bilan, Buxoro davlat universiteti Universal sport majmuasida "ASIA TRANS GAS" O‘zbekiston–Xitoy qo‘shma korxonasi MChJ xodimlari o‘rtasida mini futbol sport turi bo‘yicha musobaqalar bo‘lib o‘tmoqda.
Mazkur musobaqalar sog‘lom turmush tarzini targ‘ib qilish, mehnat jamoasi a’zolari o‘rtasidagi jipslikni mustahkamlash va sport orqali faol dam olishni yo‘lga qo‘yish maqsadida tashkil etilgan. Musobaqalarda korxonaning turli bo‘linmalari va bo‘limlaridan tuzilgan jamoalar ishtirok etmoqda. Bellashuvlar do‘stona ruhda, sog‘lom raqobat muhitida o‘tmoqda. Turnir yakunida eng yaxshi natijalarga erishgan jamoa va futbolchilar diplom hamda esdalik sovg‘alari bilan taqdirlanadi.
