BUXORO DAVLAT UNIVERSITETI – "TALABA LIGASI" YOZGI SPORT O‘YINLARIGA MEZBONLIK QILMOQDA
Bugun Buxoro davlat universiteti Universal sport majmuasida “Dolzarb 90 kun” loyihasi doirasida “Talaba ligasi” yozgi sport o‘yinlariga start berildi. Toshkent shahri va viloyatlarning turli oliy ta’lim muassasalarida tahsil olayotgan buxorolik talabalar ushbu musobaqada o‘z mahorat va iqtidorini sinovdan o‘tkazmoqda. “Talaba ligasi” doirasida voleybol, basketbol, futbol, tennis, shaxmat va shashka kabi sport turlarida bellashuvlar bo‘lib o‘tmoqda.
Mazkur loyiha yoshlarning bo‘sh vaqtini mazmunli tashkil etish, ular orasida sportga bo‘lgan qiziqishni oshirish hamda sog‘lom turmush tarzini targ‘ib qilishga xizmat qiladi.
