Buxoro davlat universiteti amaliyotchi psixologi Dilbar Hamdamova tomonidan axborot texnologiyalari hamda fizika-matematika fakulteti talabalari o‘rtasida “Tyutor – talaba nigohida” mavzusida so‘rovnoma o‘tkazildi. So‘rovnoma orqali talabalar tomonidan tyutor faoliyati, ularning talabalarga ko‘rsatayotgan yordami hamda o‘zaro hamkorlik darajasi o‘rganildi.
Shuningdek, psixologik trening xonasida talabalar ishtirokida rolli o‘yinlar tashkil etildi. Mazkur mashg‘ulotlar talabalarning muloqot ko‘nikmalarini rivojlantirish, jamoada ishlash malakasini oshirish hamda turli vaziyatlarda to‘g‘ri qaror qabul qilish qobiliyatlarini shakllantirishga qaratildi.
