“Buxoro” bolalar sog‘lomlashtirish oromgohida “Oromgoh kundaligi” shiori ostida madaniy tadbir tashkil etildi
Buxoro davlat universitetining Yoshlarni ma’naviy yuksaltirish departamenti psixologi, dotsent Nozira Musinova tashabbusi bilan “Buxoro” bolalar sog‘lomlashtirish oromgohida “Oromgoh kundaligi” shiori ostida navbatdagi madaniy-ma’rifiy tadbir o‘tkazildi.
Tadbir doirasida bolalar bilan psixologik treninglar, ijodiy mashg‘ulotlar, interaktiv o‘yinlar hamda musiqiy chiqishlar uyushtirildi. Mazkur tadbir oromgohda dam olayotgan bolajonlarning ma’naviy dunyosini boyitish, ularda ijodkorlik va jamoaviylik ruhini shakllantirishga xizmat qildi.
Tadbir ishtirokchilar tomonidan iliq kutib olindi va ular uchun unutilmas taassurotlar qoldirdi. “Oromgoh kundaligi” – bolalarning unutilmas yozgi lahzalari!
