Buxoro shahri 32-son mehribonlik uyida Isroilning Watergen kompaniyasining havodan ichimlik suvini ajratib oluvchi qurilmasi o`rnatildi. Atmosfera generatori kuniga 900 litr ichimlik suvini ishlab chiqarish imkoniyatiga ega. Ishlab chiqaruvchi saytida qayd etilishicha, qurilma tashqi atmosfera sharoitlariga — sutka vaqti, mavsum, geografik joylashuvga mos ravishda suv ishlab chiqarishni optimallashtiradi. Ko‘p to‘siqli filtrlar natijasida havo sifatidan qat’iy nazar suv sifati ta’minlanadi.
