2019-yilning 24-sentabr kuni Buxoro davlat universiteti Tarix va madaniy meros fakulteti Islom tarixi va manbashunosligi, falsafa kafedrasi tomonidan Buxoro shahar "Kitoblar Olami" markazida Islom tarixi yo'nalishi talabalari bilan "Kitob - ilm chirog'i" mavzusida ma'naviy-ma'riiy tadbir bo'lib o'tdi. Tadbirda Islom tarixi va manbashunosligi, falsafa kafedrasi professor-o'qituvchilaridan A.T. Qayumova, Sh. Jo'rayev, B. Dehqonovlan qatnashdilar. Tadbirda katta o'qituvchi A.T. Qayumova so'zga chiqib, bugungi kunda yoshlarimizning ilm-ma`rifatli, xulq-odobli, eng oliy fazilatlar sohibi bo'lib yetishishlarida kitobning o'rni, ahamiyati to'g'risida chuqur to'xtalib, davlatimiz rahbari tomonidan belgilab olingan beshta tashabbusning biri ham kitobxonlik ekanligiga urg'u berdilar. Yoshlarning kitobga, ilm-fanga bo'lgan qiziqishlarini yanada oshirishga e'tibor qaratilganligi buning yorqin isbotidir. Tadbirda shuningdek, o'qituvchilardan Sh. Jo'rayev va B. Dehqononlar so'zga chiqib dunyoviy va diniy mazmundagi kitoblar bilan talabalarni tanishtirib ularning mazmun, mohiyati haqida to'xtalib, mutaxassislikka oid kitoblar bo'yicha o'z fikr, mulohazalarini bildirdilar. Jumladan: muallif Ulug'bek Sultonovning "Ota-onaga xizmat qilish odoblari", Toxir Malikning "Zalolatga botma ey inson!", Shayx Muhammad Sodiqning "Hidoyat Imomi", "Mo'minning me'roji" kabi kitoblar bo'yicha chuqur to'xtalib, talabalarga ularning ilmiy, falsafiy mazmuni ochib berildi. Shuningdek, tadbirda talabalar ham turli mazmundagi kitoblar bilan tanishib, ushbu kitoblar haqida kelgusi tadbirlarda o'z fikr mulohazalarining bildirishlarini aytishdi. Tadbir juda qiziqarli, sermazmun, fikr-mushohadalarga boy ravishda o'tkazildi. Buxoro davlat universiteti Matbuot kotibi Otabek Jalolov
