Buxoro davlat universiteti, “Jismoniy madaniyat nazariyasi va uslubiyoti” kafedrasi professor-o‘qituvchilari tomonidan 2019-2020 o‘quv yili davomida “5 ta tashabbus” doirasida ham ta'limiy, ham tarbiyaviy ahamiyat kasb etuvchi chora-tadbirlar tizimi ishlab chiqilgan. Jumladan, universitet rejasining 2 – tashabbusiga binoan (sport namoyondalari ishtirokida uchrashuvlar, master-klasslar, “Rektor kubogi” shiori ostida sport turlari bo‘yicha musobaqalar) Jismoniy madaniyat fakulteti miqiyosida “Uch avlod uchrashuvi” davra suhbati o‘tkazildi.Davra suhbatida “Jismoniy madaniyat” ta'lim yo‘nalishining birinchi kurs talabalari, “Jismoniy tarbiya va sport mashg‘ulotlari nazariyasi va metodikasi” magistratura mutaxassisligi talabalari, hamda kafedralarning yosh o‘qituvchilari qatnashdilar. Jismoniy madaniyat nazariyasi va uslubiyoti kafedrasi mudiri, dosent Shukurov R.S, p.f.n., Salimov G‘.M. va p.f.n., Kadirov R.X. lar jismoniy trabiya va sport soxasidagi keng ko‘lamdagi islohotlar, ta'lim yo‘nalishida amalga oshirilayotgan ta'lim va tarbiya masalalari, hamda talabalarning bo‘sh vaqtlarini mazmunli tashkil etish uchun yaratilgan shart-sharoitlar va imkoniyatlar to‘g‘risida ahamiyatli ma'lumotlar va videolavhalar havola etishdi. Uchrashuv doirasida, dotsent p.f.n., R.X. Kadirov “Yosh tadqiqotchi” to‘garak faoliyatining maqsad va vazifalari to‘g‘risida jalb etilgan birinchi kurs talabalariga kirish mashg‘ulotini davom ettirdi.
