Mutaxassislarning tadqiqotlari natijasiga ko’ra hozirda internet tarmog’idagi ma’lumotlarning 70-75 %i inson uchun zarar keltiruvchi g’oyalar hisoblanadi. Afsuski bu nisbat yil sayin ortib bormoqda.Yangi poligonlarda inson ongini egallash uchun jang qilayotgan buzg’unchi g’oyalar qatoriga diniy-ekstremizm, terrorizm, missionerlik, “ommaviy madaniyat” va turli axborot xurujlarini kiritishimiz mumkin. Yoshlarni muqaddas diniy ta’limotlarimiz va qadiriyatlarimiz, ota-onaga hurmat, xalq dardi bilan yashash, oilani muqaddas deb bilish, kelajakka umid ko’zi bilan boqish kabi ezgu tushunchalar ruhida tarbiyalash bugungi kunning dolzarb vazifasiga aylandi desak mubolag’a bo’lmaydi. Diniy ekstremizm va terrorizmga qarshi kurashda barchamiz o’z burchimizni his etishimiz, ogoh bo’lishimiz, Vatanimizning kelajagi uchun mas’ul ekanimizni unutmaslik maqsadida O‘zbekiston Respublikasi Vazirlar Mahkamasining 2018 yil 12 martdagi bayoni bilan tasdiqlangan chora-tadbirlar rejasining 9-bandida belgilangan vazifalarga asosan barcha fakultetlarda “O‘zbekiston yoshlari buzg‘unchi g‘oyalarga qarshi” mavzusida talaba-yoshlar o‘rtasida maqolalar tanlovi o‘tkazildi. Tanlov ishtirokchilari tomonidan yozilgan ijodiy ishlar Hakamlar hay‘ati tomonidan ko‘rib chiqildi va 1- o‘rinni: Vohidov Sherzod – Filologiya fakulteti 1-bosqich talabasi, 2– o‘rinni:Junaydullayev Mels – Harbiy ta‘lim fakulteti 2-bosqich talabasi, 3-o‘rinni: Ibragimova Dinara – Maktabgacha va boshlang‘ich ta‘lim fakulteti 1-bosqich talabasi egalladi. Tanlovda g‘oliblikni qo‘lga kiritgan talabalar universitet “Faxriy yorlig‘i” bilan taqdirlandi. Tanlov Nizomiga muvofiq 1-, 2- o‘rinlarni egallagan Filologiya fakulьteti 1-bosqich talabasi Vohidov Sherzod va Harbiy ta‘lim fakulьteti 2-bosqich talabasi Junaydullayev Melslarning maqolalari Vazirlik tashkiliy guruhiga taqdim etildi.
